Hikayat ini di susun kembali dalam tulisan jawi (jawau) oleh tgk Murtadha Muara Batu Aceh Utara.
Saya mencoba menulis nya dalam tulisan latin dan juga mengedit nya demi teratur nya sajak.
Ngoen Bismillah phoen lon surat, Dengan nama zat Tuhan Esa, Alhamdulillah pujau tuhan, Yang peu jeut alam dum segala,
Tema seulaweut keu janjongan,
Sereuta sajan sahbat mulia,
Ahli wareh ngoen keturunan,
Istri janjongan ureung mulia.
Ajaib Subnahallah,
Uloen kisah khabar aulia,
Ulon kisah sidroe ureung,
Katreb zameun padum masa,
Saleh that that di ureung nyan,
Abdurahman geuhei nama,
Nanggroe Mesir nama teumpat,
Sinan meuhat mula phoen khaba,
Umu peut thoen neuduek sidroe,
Hana sapeu neu meuhawa,
Yang na ingat sit keu tuhan,
Laen sekalian bandum fana.
Bak si uroe khendak Rabbi,
Meugrak hati keu judo nya,
Mangat tetap hate keu ALLAH,
Hana le weh weuh dalam dada.
Meunan pike Abdurahman,
Ubak tuhan mohon pinta,
Abdurahman meunan pike,
Neu beudeh le neujak lanja.
Teuduek siat Abdurahman,
Laen karangan lon calitra,
Ajaib Subnahallah,
Uloen kisah sidroe ulama,
Alem that that hana lawan,
Geurasi nan A'li bakhtiyara,
Tungku male aneuk neuh tan,
Nibak Tuhan neu mohon pinta,
Geunab uroe mohon pintaan,
Khendak Tuhan qabul doa.
Yoeh nyan mume siti Hamamah,
Tungku syiah jarak hana,
Teutap tungku lam meuligoe,
Brie keu putroe pue yang hawa.
Si kureung buleun umu hamilan,
Budak Yoeh nyan lahe nyata,
Lahe budak nibak putroe,
Ureung binoe ceudah rupa.
Putroe kalon aneuk inong,
Neu moe masa nyan roe ie mata,
Wahe aneuk yang mutuah,
Pat lon kubah bijeh mata.
Gata ulon joek u bak ALLAH,
Yang peurintah langet donya,
Keunan keuh aneuk gata lon serah,
Ubak ALLAH tuhan esa.
Jinoe loen brie mom po sambinoe,
Singeh uroe kadang hana,
Karena lon hai aneuk mati,
Katroeh janji tuhan esa.
Putroe ingat dalam hati,
Puetra kubie keu aneuknda,
Bah le lon bri ibu tangan,
Untoeng sinan nikmat jih na.
Ibu jari isyarah Muhammad,
Sinan nikmat jati rasa,
Putroe suleung ginoeng jaroe,
Hana le ji moe budak baro na.
Seunang hate siti Hamamah,
Karunia ALLAH tuhan esa,
Meunan sabe geunap uroe,
Laloe keudroe budak baro na.
Putroe madeung tujoeh uroe,
Mate Putroe tinggai ulama,
Tinggai aneuk ureung binoe,
Rayeuk keudroe po bijeh mata.
~Bersambung~
