kruuuuu seumangat ummi phon ngen Dek Ti
bek sagai tuwoe Allah Po langet ngen donya
meunyo neu turot ke sunnah nabi
kon meukawen duwa nyang jroih keu cara
cicempala kuneng ji dong meuriti
cicem mirahpati seun keu ureung plhara
bek mudah teukeunong ngon agam tari
adak pih balee jeut neu mita aneuk muda
meunyo keu kureubeun leumo, kameng atawa keubiri
adak pih keubeue hana so peudong dawa
menyou keu ummi phon nyang lagak tari
adak na idin nyan tanda kon ureung setia
dari langsa na @sangdiyus hanafi
lah pih jino gobnyan ka duda
meunyo @lamkote sayang keu Dek Ti
pakon han neu peuturi awak nyan dua
Hana meutuah kupi dalam glah meunyoe tan saka
Ibarat janda hana soe suka saweub tan tari
Ulon nyang ranggi get that lon turi janda teutangga
Sayang that raya aneuek dua tan soe mita raseuki
Buken le sayang bungong meulu jino ka layee
Duroh tan soe thee ateuh rueng donya
Meunan keuh tamse meunyo inong ka balee
Han soe bloe bajee aneuk 'oh uroe raya
Kon hana lon bri kon chit han lon peuturi
Nyang nama dek ti tan ceudah rupa
Lon takot ji peu khem atawa di caci
Pue lom si dek ti aneuek ka dua
Kulet jih tan puteh kureueng meukeunong
Ka lagee langong atawa geumeutoe
Ummi nyang keuphoun that mancong idong
Meunyoe dek ti long nyang mancong igoe
Downvoting a post can decrease pending rewards and make it less visible. Common reasons:
Submit
kleung cok manok cot uroe timang
keubeu keumubang lam leuhop paya
keupue tgk @lamkote neukheun keu janda ti
bah pih hana tari gopnyan taat agama
mnyo seumayang sit hana tinggai
pue lom got that akai geumaseh raya
soso nyang tem peusunteng nyan jandanyan
nyan na harapan udep sijahtra
keupue adak rupa kadang kureung lagak
yang peunteng luwah tanoh blang siteuntang mata
pulom na leumo kameng ngon manok
pupue taneuk leubeh beulanja
cok shineuk.....haaaaa....
Downvoting a post can decrease pending rewards and make it less visible. Common reasons:
Submit
alahai teungku abon atawa abu
bek neupeukaru atra gob useuha
soe nyang kheun soe chit nyang tiru
meunyoe han meupue bek neujak kira
hana neu turi nyang nan si dek ti
janda seujati nyang mirah muda
sep keuh lon mantong nyang peurati
bek mita dali neuk cok keu gata
gata han cocok hana seutali
lagee ie kupi ngon cendoi jawa
dari awai phoun chit ulon meujanji
han meuteumee youh gadih lon preh yoh janda
ee teungku fauzan bek peukaru dek ti
bek neu neujak tiek mie bak ureung peulet leuk
meunyoe keubit hana neu peuduli
lon peugah bak plisi bah keunong teupuek
Hahahahahaha
Downvoting a post can decrease pending rewards and make it less visible. Common reasons:
Submit
kon lon peukaru kon lon jak taki
tapi lon sang iba keu dek ti janda
rame ureung jak cuca marwah dek ti
sampe tgk lamkote kanan geuteuka
jak bak dek ti beuramgkasoe jeut
asai akai bek jeuheut niet neuk cok harta
meunyo neuk peusunteng cuba silakan
bek jak peugot piasan bak inong janda!!!!!
nyoe kabrat beungeh di ulon tuan
kon le lon meu ayang2 keu gura2
tapi keubit2 lon peugot urusan
saweub neu jak ba lon dalam penjara
saweub dek ti nyan sit inong nyang jroh
bek na ureung peu gawoe peu abeh harta
tapi meunyo lon neuk neumeukawen ngon dek ti
dalam jeum nyoe asee lo grak buet sigraaaaaa!!""
kwkwkwwkwkw...padahai lon na meu en sampeng
ngon dek ti, bisnis muge leumo..haaaaa
Downvoting a post can decrease pending rewards and make it less visible. Common reasons:
Submit
Meuseujid madinah timang peut sagoe, dalam mesjid nyan na ureung lhee drou
Nabi geuh sidrou sahabat na duwa
Keupeu awak droun tuwoe neu pakoe
Adak pih balee, Nyak ti nyan syit manusia
Ureung meudagang 5 thon ka geuwo
Dari Sudan geu puwoe tanoh cempaga
Miseu awak droun han so tem rugoe
Jadeh si Nyak Ti mita aneuk muda
Ta puliek pineung keu ranup deungen rampagoe
Gapu ngen gambe keu tamah rasa
Ingat wahee rakan ureung duek bak sagoe
Jeh malam baroe ka geu jak mee tanda
Di Samahani na Blang jaroe
Di kuala idi meususon bak bangka
Oh watee loen ingat keu gata meulumpoe
Na can meucawoe dum inong janda
Downvoting a post can decrease pending rewards and make it less visible. Common reasons:
Submit
haaaakhrhrrhrrrhkh...nyan khem abunawah
bak geupeusiblah bek jeut keu dawa
asai nyang penteng dawa nyan bek jeut keu masalah
saweub poh beurakah nyan keu gura gura
dalam gura gura nyan na sit niet serius
oh meungieng mulus gateh si janda muda
memang ureung agam sit dum mata keranjang
kecuali lon tuan oh lon pandang lontop mata
karena lon hindar pandangan yang lagenyan
kecuali si gogo wate roh meungieng hana lon saja
tapi meunyo puteh licen payah sit bak ta hindar
kadang lam hana sadar lon pih ka teu go DA....
haaaaaaaaaaaa.....mklum, gue masih god..god..juga
Downvoting a post can decrease pending rewards and make it less visible. Common reasons:
Submit
watee yoh manyak geu tingku-tingku
oh rayeuk teuma ka geu seurapa
beu ingat-ingat wahee eu teungku
bek sampo ilhap na nyang cemburu buta
ureung nyang saket wajeb ta saweu
doá ta peutroih boh jaroe pih na
beu neu peurati keu craak sileuweu
bek jak meunari jeh cicem deuh u luwa
Downvoting a post can decrease pending rewards and make it less visible. Common reasons:
Submit
warning that,s comment!!!!! hoooo cut da eee
nyn koment ka di lua pageu!!!! kutakot ji teugom le
kameng eunteuk!!!! neupeutamong bagah ju lom beh?
Downvoting a post can decrease pending rewards and make it less visible. Common reasons:
Submit
Bek that neuputa haba neuputi
Nyan sinyak ti ka lon boh tanda
Tanda nyang lahee chit kana meuri
Tanda nyang sirri payah ta buka
Kon lon meulawak haba meusigak
Seubab that palak keu pojan siblah
Meunyoe gobnyan hana geusipak
Han mungken ulon meusilat lidah
Beuna ta taupue hai cut nyak cici
Lon ngon dek ti kalheuh meunafakat
Meuseu tan pateh e sahbat boh hati
Bah lon peumeuri mangat neu sukat
Neu kalon laju ka nibak jari
Euncien ka lon bri tanda meurayu
Han chit neu pateh reunteh ka lon peumeri
Neu tulong peurati mirah bak taku
Hahahaha
Pue na bantah lom
Downvoting a post can decrease pending rewards and make it less visible. Common reasons:
Submit