Assalamualaikum saleum peunutoh
Jaroe loen dua blah ateuh jeumala
Nyoe na haba bacut loen nek peutroh
Loen peutroh ret panton yang bemakna
Lam saboh kalam kaleuh geu peugah
Ta meuruno ilme Allah sampo tanyoe meuninggai
Bek gadoh peulale dro ngon but yang salah
Hana ta teupat i tanyoe pajan ajai
Alhamdulillah roh manteung dalam badan
Kajeut tajak ta peuglah hajat
Salah saboh but yang get adalah meuruno Al-Qur'an
Jet i tulong tanyoe entreuk di akhirat
Kalam suci Allah Al-Qur'an nan jih
Saboh kitab mulia yang perle ta baca
Nabi Muhammad yang teurimong dari Allah
Be got2 ta jaga wahe syedara
Nyoe manteung lam suasana bulen ramadhan
Ne pe le amai ngon ibadat
Bek putoh sembahyang ngon beut Al-Qur'an
Mangat na pangkai oh wate di akhirat
Nyoe keuh haba peunutoh dari loen tuan
Loen peutroh ube na yang loen paham wahe rakan
Jet ta mereumpok lom entreuk wahe rakan
Miseu na wate dan kesempatan
Lhokseumawe, jum'at 1 Juni 2018
Saleum, @mirfaner