Dipoet angen glee, meuleleh senja
Diyuep bak beringin, ulon meulamun
Ke sidroe dek noeng, yang ulon cinta
Demam asmara, cinta lon petheun
Cit hana laen, dekti lon puja
Janji seutia, keu putro beleun
Hajat lam hate, beu sapat dua
Si gudang cinta, sabe lon petheun
Bungong seulanga, sitangke dua
Sabe lon jaga, bek kenong ujeun
Sabe lon siram, loen pupok baja
Di taman cinta, lon pageu binteung
Bakat geulombang...selat malaka
Ujong sumatra...angen tat durui
Sajak lon tuleh...dawai asmara
Keu sidro dara...beujeut peutumun
Nyamban lon rindu...putro buleun
Rindu lamdada..han ek lon peuteun
Cinta lon puteh..han lon peudua
Nyamban setia...demi cut beleun
Paseung purnama raya that bakat, buleuen pih ceudah puteh deuh cahya
miseu ka teukeudi judo meukeumat, adak pih jeuóh akan troih sigra
Cicem Keudidi ji pho u barat, ji piyoh siat ateuh bak bangka
loen baca panton cutbang han sep siat, loen mita cara loen jaweub teuma
boh peutek mameh boh meuria klat, mangat ta lhat ngen melisan saka
bek that kakanda uloen neu karat, meusyen neu tuka pujoe Rabbana
Downvoting a post can decrease pending rewards and make it less visible. Common reasons:
Submit
Sayang that leupah kipah kon baja
Ta sayang raya rihon meubanja
Ceudah keunira si bungong ceumpaka
Meuhan ta jaga ka gob po jeumba
Takalon mala meulu sitangke
Takalon akhe kisah asmara
Dak pih ta jaga lam lungkiek ate
Kadang chit reulee tan jadeh dua
Rima meu atou bak ujong haba
Haba teu atou haba asmara
Asmara gadoh timoh lah luka
Luka han gadoh si umu masa
Downvoting a post can decrease pending rewards and make it less visible. Common reasons:
Submit