ကျွန်တော်အဆင်ပြေကြောင်းညာလို့ရလား။

မဆုံဖြစ်ခဲ့တဲ့ မြစ်နှစ်စင်းရယ်ပါ။
တသီးတသန့်ဆန်မှုတွေနဲ့ စီးဆင်းခဲ့တဲ့ ညတွေပေါ့။
ယုံကြည်ခဲ့တဲ့ချစ်ခြင်းမေတ္တာတွေကြောင့် ဒဏ်ရာတွေ
အနာကျက်နှေးခဲ့သလိုပဲ။ အိပ်မပျော်တဲ့ညတွေအတွက် အလင်းရောင်ဟာ တမ်းတတိုင်းရောက်မလာနိူင်သလိုပေါ့။ ဖြစ်ချင်တိုင်းဖြစ်နေတဲ့ဘဝကို စီးကရက်အငွေ့တွေထဲမှုတ်ထုတ်ဖြစ်တယ်။

ကြယ်တွေကိုငေးတယ်။ တိမ်တွေအကြောင်းရေးမယ်။
မမြဲခြင်းသဘောတရားတွေကို ခင်ဗျားအကြောင်းမေးမယ်။ ချန်ထားခဲ့ခြင်းခံခဲ့ရသူတွေအကြောင်း အထုပ္ပတ္တိ ရေးမယ်။

အခြားသူတစ်ယောက်ရဲ့လက်မောင်းပေါ်မှာအိပ်ပျော်တဲ့ ခင်ဗျားကိုအံသြတယ်။ ခင်ဗျားရင်ခွင်မဟုတ်ရင် အိပ်မပျော်တဲ့ကျွန်တော်က အိပ်ရေးတွေရက်ဆက်ပျက်လို့။ မရှိမဖြစ်ဆိုတာ ဘယ်အရာကိုခေါ်ပါသလဲ ကျွန်တော်နားလည်ခဲ့ချိန်မှာ ကျွန်တော်တစ်ယောက်တည်း။အတိုင်းထက်လွန်သောနာကျင်ပြိုလဲမှုတွေနဲ့ ကျွန်တော်တစ်ယောက်တည်း။

တစ်ခေါက်လောက်ပြန်ဆုံချင်စိတ်တွေ သော့ခတ်ရင်း
အိပ်မက်ထဲသိမ်းထားဖြစ်တယ်။သတိရလို့ ခင်ဗျားကျွန်တော့်အကြောင်း မေးဖြစ်တဲ့အခါ အဆင်ပြေနေကြောင်းပဲသိစေချင်တယ်။ အခြားသူတစ်ယောက်ရဲ့ ရင်ခွင်ထဲမှာ ခိုနားရင်း ကျွန်တော့်ကိုမေ့နေစေချင်တယ်။ အမှတ်တမဲ့ လမ်းမှာတွေ့တဲ့အခါ မမြင်ချင်ယောင်ဆောင်သွားစတမ်း ကစားကြမယ်လေ။ ခင်ဗျားနိူင်ရင် ကျွန်တော့်ကိုမေ့ပါ။
ခင်ဗျားရှုံးရင်လည်း ကျွန်တော့်ကိုမေ့ပါ။

ခင်ဗျားတောင်ကျွန်တော့်ကို သိပ်ချစ်ပါတယ်ဆိုပြီး
ညာခဲ့သေးတာပဲ။ ကျွန်တော်ကခင်ဗျားကို
အဆင်ပြေနေပါတယ်ဆိုပြီး ညာလို့မရဘူးလား။

ယုံပါ။
ကျွန်တော်ခင်ဗျားမရှိတဲ့ဘဝမှာ
သိပ်ကိုအဆင်ပြေနေပါတယ်။