Makalilisang nga Kamatayon

Angay ba kitang malisang?
Nianang gitawag nga katapusan
Diin ato ng biyaan ug hikalimtan
Ang tanang butang sa kalibutan.

Apan kitang tanan nasayod
Nga kita mamatay gayod
Kini tinood, dili ikalimod
Kita mawala, kita mutalikod.

Apan ang kahadlok mutumaw
Ngadto sa kasing-kasing nga dili tin-aw
Tungod sa pagpuyo dinha sa sala
Ug ang gugma kaniya nawala.

Malisang kay dili kita andam
Nga muatubang sa Labawng Gamhanan
Nga malumo, apan mokastigo
Kanus-a pa kita magbag-o?

Hagit kini sa matag usa kanato
Nga magpuyo subay sa dalang sakto
Kay ang kamatayon sama sa kawatan
Muabot ra nga dili matag-an.

Bisaya Napud : Makalilisang nga Kamatayon