淺談虛幣

今次主要會由投資年齡層方面去探討，虛擬貨幣係好新嘅投資工具，亦都係好高風險嘅投資，誇張啲講其實好多比較有實力嘅投資者佢哋係未嚟得切俾反應，其實現時虛擬貨幣可以分開幾個投資年齡層，宜家普遍參與嘅都係比較上年輕嘅一群，喺香港貧富懸殊及地產霸權嘅距離當中，比較有實力嘅一定係比較年長嘅香港人，佢哋會多數偏向相信物業，或者大型嘅收息股票，佢哋係冇錯嘅，因為嗰個時代最啱嘅投資，而又可以暴富，確實係呢兩樣野，當然回報亦不負眾望，都非常可觀，而的確如果冇虛擬貨幣嘅出現，筆者都相信未來10年，都未必會出現有比股樓更好嘅投資工具。

由此可見，淨係以香港嘅層面睇，虛幣都已經有排可以升，當然你可以講全部coin都可以歸零，但筆者相信BTC已經運行左10年，完完全全產生左一場金融革命，所以我係偏向有價值嘅一邊，筆者相信之後就算再有一項工具，再掀起一場革命都好，比特幣都係唔會消失，雖然好穩陣，但你唔可以否定佢係一個高風險嘅投資，而咁高嘅投資風險嘅產品裏面，我會建議比較年長嘅投資者如果要投資虛擬貨幣的話，主要投資BTC就可以啦，因為龍頭嘅關係，永遠比較安全，其他coins排位俾佢低，總會有佢嘅原因，包括：用途，安全性等等，呢啲都決定左佢哋響全球嘅排名位置，當然仲有其他未發掘嘅虛擬貨幣，但對於咁新嘅投資工具，佢哋淨係買BTC就已經好夠，而比較鍾意高風險嘅投資者，筆者覺得佢可以揀20名以內嘅虛擬貨幣，畢竟熊市過後，整體市場升起上黎，其他貨品升幅一定俾BTC多好多，想追求更高嘅回報，20大內係你嘅不二之選。

2018年係熊市，而經過左呢一輪虛擬貨幣嘅大跌，如果呢一輪$3500蚊左右你有入貨的話，亦為打算長線投資嘅你打下基礎，熊市儲貨係不變嘅定律，人棄我取，恐懼時要貪婪，種種投資心法最大嘅優勢，以及最先嘅條件都係要處身熊市，筆者相信未來20年，虛擬貨幣市場會非常成熟，你可以唔信，但其實好多嘢都已經慢慢發生緊，如果你身為香港人，錯過咗香港樓嘅牛市，亦無投資股票，呢轉虛擬貨幣嘅浪你又唔信又錯過埋，其實真係幫唔到你，而把握到股樓嘅牛市，呢個時刻都唔好驕傲，因為財富逆轉嘅局面，隨時都會發生，筆者相信BTC終極一跌已經出現左，亦建議如果突然出現單日大跌10%，記住，係以日跌幅計，其實可以入貨，放長線嘅話，回報唔止10倍。