當中本聰成為世界首富時，比特幣一粒值 US$ 150000

上次同大家探討過唔同年齡層，香港擁有最大購買力嘅投資者並未入場，咁應該點樣部署入場？ 筆者相信之前12月已經係終極一跌嘅低位，筆者亦收到好多投資者於fb pm問，究竟係唔係撈底好時機，咩價位買最好？ 坦白講圈內市場氣氛其實真係好緊張，而撈底買BTC無非都係想賺錢，今日我哋不如用輕鬆樂觀嘅方法，探討一下究竟我哋成功撈底可以賺到幾多呢？

首先呢度同大家講返，BTC創辦人中本聰手持大約係114萬粒BTC，我哋可以分開兩個層面睇，如果你將BTC睇為一間上市公司，而往後將會好似蘋果，亞馬遜咁，突破一萬億美金市值的話，咁你就可以將$10,000億嘅美金呢個數，除以2,100萬，因為BTC總共只會出產2,100萬粒，最後一粒出產，係喺2140年，希望我仲有命睇到，得出嘅結論係大約$47600美金一粒，咁如果你將呢個數擺落中本聰度，佢大約得$540幾億美金身家，咁睇落條數好似又唔係好啱，而且中本聰亦都做唔到首富，不過$47600呢個數值，可以當係你沽貨嘅第一站，一路升，你亦可以一路沽，拉個平均數其實都爽爽爽，而筆者亦相信，2021年之內必定見到$47600美金呢個數，咁你只要計返你自己有幾多粒BTC，你大約就可以知道，到時你呢個投資賺到幾多錢，唔夠數嘅話，再加注亦比較靈活。

好啦，咁第二個方法係，如果中本聰佢真係成為世界首富嘅話，咁理論上就係要將$540幾億嘅身家乘大3倍，因為要超過1,500億美金身家，先至可以破到亞馬遜嘅jeff嘅歷史高位，做個真真正正嘅世界首富，咁即係話，BTC大約可以升到$150,000美金左右一粒，以上手法，純粹係為咗大家可以輕鬆計到自己大約沽貨價係幾多，假設BTC低位係$3200美金左右，而BTC喺下一個大浪見到$150,000美金的話，咁即係你最近入嘅貨，可以賺到差唔多近50倍(其實我係相信BTC係會見到$100萬美金一粒，無錯，係100萬美金一粒，US$ 1,000,000 <------ 不過我依家同你講你一定覺得我痴線)

最後，筆者覺得BTC去到$150,000美金，所需嘅時間只係七年左右，而衝到150,000美金的話，其餘二十大內嘅Coin，佢哋一定唔止升50倍，咁睇到呢篇文嘅你仲諗乜嘢？？？仲唔嗱嗱聲準備好入貨？？？？