Jameun di Aceh na sidroe ureueng agam lheueh geutaleuek lhee peurumoh dudoe geubeudoh geujak bak Teungku Imum.
Meunoe Teungku, nyoe lon ka teulanjo ka lon taleuek peurumoh, kheun ureung agam.
Padum gata taleuek, tanyong Teungku Imum
Lhee (3) lon taleuek Teungku, su-ot ureueng agam nyan
Dudoe geutanyong lom le ureueng agam nyan, teuma kiban Teungku peue jeuet tawoe lom atawa peue jeuet ta-eh sapat lom kamoe dua.
Meunye meunan neupeugah, ka jeulaih hanjeuet woe le, seubab neutaleuek (3) lhee. Kheun Teungku Imum.
Teuma kiban Teungku, nyoe lon beujeuet lon woe lom lagee biasa, nyoe jinoe cukop brat meunyesai kuh ka.
Na cara, su-ot Teungku Imum
Meunoe mantong le gata nyan payah neumita cina nyang buta laju sidroe lheueh nyan neuyue meukawen ngon peurumoh droeneuh, dudoe beuna janji lheueh dimeukawen beu-item cre lom dengan syarat beujiwatak.
Nyan ka paloe, brat buet lagoe. Pat tamita teuma cina nyang buta, kheuen ureueng agam bunoe lam ate.
Dudoe bak siuroe geujak ureueng agam nyan geuduek sinan di pasai, lheueh geutot rukok sibak dan geutanyong bak ureueng meukat tirom, hai cupo pat tamita cina sidroe nyang buta, keupeue neuh cina buta? Kheun cupo meukat tirom.
Kuneuk peukawen ngon peurumoh lon.
Pakon digata ka tajak publoe peurumoh teuh peue?, Tanyong lom le cupo nyan
Kon lon publoe hai cupo, lon peuget meunan ngak jeuet lon meukawen lom dudoe ngon jih.
Pat tamita teuma cina buta bak geutanyoe, meucina teubleut pih sang rap hana. Su-ot cupo tirom.
Ureueng agam han ek geupike le dudoe geujak lah u pasai blah deh gampong gobnyan, dudoe meurumpok lheueh geutanyong bak ureueng-ureueng sinan.
Dan geuceurita bhaih nyan bak cina buta nyan, dicina buta nyan pih langsong jianggok jitem, that paih lam ate ureueng agam bunoe.
Tapi meurasa yo geuh chit, lheueh dimeukawen dudoe han jitem cre le nyan pih brat lom meuramah, teuka takot lam pikiran geuh.
Geupeupah pikiran kakeuh jeuet meunan laju ilee, dan supaya beujitem cre lom, nyan ka meuri mangat asoe geuh.
Pakon geupeunan cina buta? Seubab jameun meunye bak buet nyan hana soe tem brat that malee. Nyang tem nyankeuh cina nyang buta bak watee nyan. Sinan keuh lahe istilah peucina buta.