ယောနသံဠင်းတ

===========

"ယောနသံစင်ရော် ဆိုတဲ့စာအုပ် ဖတ်ဖူးကြလားဘုရား"

"မဖတ်ဖူးသေးပါဘုရား"

"ရှာဖတ်ကြည့်ကြဘုရား။ ကမ္ဘာကျော်စာအုပ်ပဲ"

"တပည့်တော်တို့ကို မိတ်ဆက်အနေနဲ့ နည်းနည်းပြောပြပါလားဘုရား"

"မှတ်မိသလောက်ပြောရရင်တော့ဘုရား ယောနသံဆိုတဲ့ စင်ရော်ငှက်လေးဟာ စင်ရော်အများစုရဲ့ဘဝပုံစံဟောင်းကနေ ရူးရူးသွပ်သွပ်ခွဲထွက်တဲ့အကြောင်းကိုရေးထားတာဘုရား။ ဘယ်သူတွေ ဘယ်လို တားတား ၊ ဘယ်စကားတွေဘယ်လိုဆိုဆို သူယုံကြည်ရာကို မဆုတ်မနစ် ကြိုးစားတည်ဆောက်သွားပုံ၊ သူရဲ့ကောင်းကင်ဟာ ကြာလေကျယ်လေ ကျယ်လေမြင့်လေ ဖြစ်လာပုံ၊ သူ့အတောင်ပံတွေဟာ အဟောင်းကနေအသစ်ပေါက်လာပုံ ၊ပျံသန်းမှုကျင့်စဉ်မှာ အသက်နားကပ်တဲ့အန္တရာယ်ထိကြုံရပုံ၊ နောက်ဆုံးမှာ အမြင့်ဆုံးကောင်းကင်မှာ အမြန်ဆုံးပျံသန်းချက်တွေနဲ့ အကျယ်ဆုံး ရှုခင်းတွေခံစားရပုံတွေကိုရေးထားတာဘုရား"

"ဆရာသမားပြောတာနဲ့ကို ပြေးဖတ်ချင်စိတ် ပေါ်လာပြီ"

"အဟား ဖတ်ပါဘုရား ဖတ်ပါဘုရား ၊ တကယ်ကောင်းတာပါ"

"ဆရာသမားက ဘာဖြစ်လို့ ရုတ်တရက်ကြီး ယောနသံစင်ရော်ကိုဖတ်ဖူးလားလို့ မေးတာလဲဘုရား"

"ဟာ ဟုတ်ပါ့၊ မေ့တော့မလို့၊ အဲဒီစာအုပ်ဖတ်ပြီး အများတကာက သိပ်ကောင်းတယ် သိပ်ကြိုက်တယ်ပြောကြတယ်ဘုရား၊ အဲ တပည့်တော်က သိပ်ကောင်းတာကိုလက်ခံပေမယ့် မကြိုက်ဘူးဘုရား "

"ဟာ ဆရာသမားက သိပ်ကောင်းတယ်ဆိုပြီး ဘာလို့မကြိုက်တာလဲဘုရား "

"အခု အဲဒီမကြိုက်ရခြင်းအကြောင်း ကိုပြောမလို့ပဲဘုရား "

"မှန်ပါ့၊မိန့်ပါဘုရား"

" ယောနသံစင်ရော်ကို မဖတ်ရခင်ကတည်းက ယောနသံဠင်းတ ကိုအရင်ဖတ်ထားမိလို့ဘုရား"

"ယောနသံဠင်းတလို့ တစ်ခါမှ မကြားဖူးပါဘူးဆရာသမားရယ်"

"ငါးရားငါးဆယ်ဇာတ်ထဲမှာ ပါတယ်။ မူရင်းနာမည်က #မိဂါလောပ တဲ့ ။ ဇာတ်လမ်းရဲ့ကျောရိုးချင်းတူတယ်။ ဇာတ်သိမ်းလေး နည်းနည်းကွာတယ်။ မှတ်ရလွယ်အောင်လို့ ယောနသံဠင်းတ လို့ တပည့်တော်နာမည်ပြောင်းပေးထားတာ"

"ပြန်ပြောပြပါဦးဘုရား"

"ယောနသံဠင်းတဟာလည်း ယောနသံစင်ရော်လိုပဲ ။ အရူးအမူးအပျံကျင့်တာပေါ့။ သူရဲ့အဖေဠင်းတကြီးက သတိပေးရှာတယ်။ အမြင့်လွန်ပျံသန်းခြင်းကို မနှစ်သက်ဖို့နဲ့ ကောင်းကင်ကကြည့်တဲ့အခါ ကမ္ဘာမြေကို လယ်ကွက်လောက်ပဲမြင်တဲ့ အမြင့်ပမာဏကိုရောက်ရင် ဆက်လက်မပျံဖို့ ပေါ့။ ရှေးဟောင်းကောင်းကင် ရိုးရာကောင်းကင်ကနေ ဖောက်ထွက်ပျံသန်းဖို့ပဲ ရူးသွပ်နေတဲ့ ယောနသံဠင်းတကတော့ နားမထောင်ဘူး။ သူ့အဖေ ပြောတဲ့အကန့်သတ်ကိုကျော်ပြီးပျံလိုက်တာ လေသင်ဓုန်းဧရိယာထဲရောက်သွားပြီး အမှုန့်ဖြစ်သွားတယ်ဘုရား "

"ဟာ!!!

" ဒီမှာ တပည့်တော် စဉ်းစားမိတာက ယောနသံဠင်းတဟာ ကောင်းကင်အမြင့်အတွက်ပဲ သူ့ခွန်အားကိုအသုံးချပြီး သူ့မိသားစု သူ့အသိုင်းအဝိုင်း သူ့အမျိုးအနွယ်အတွက် အသုံးချမသွားဘူးဘုရား။ သူ့တောင်ပံ သူ့ခွန်အားကို သူ့ရူးသွပ်မှုအတွက်ပဲအသုံးချသွားတာ။ တကယ်က ဠင်းတမျိုးနွယ်စုအတွက် စားကျက်သစ် နေရာသစ်တွေရှာပေးမယ် ကျန်းမာသန်စွမ်းတဲ့ဠင်းတမျိုးဆက်သစ်တွေများပြားလာဖို့ လုပ်ပေးသွားခဲ့မယ်ဆိုရင် သူ့တောင်ပံ သူ့ခွန်အားဟာ တန်ဖိုးဖြတ်မရတဲ့ တောင်ပံနဲ့ခွန်အားဖြစ်ခဲ့မှာ။ အခုတော့ သူ့အတ္တ သူ့ရူးသွပ်မှု အတွက်ပဲ အသုံးချသွားတော့ တောင်ပံနဲ့ ခွန်အားတို့ တန်ဖိုးဟာ နည်းပါးပျောက်ကွယ်ခဲ့ရတာပဲ။"

"တပည့်တော် ဆိုလိုချင်တာက ဖောက်ထွက်နိုင်တဲ့ခွန်အားပိုင်ရှင်တွေဟာ ခေတ်ကာလအသီးသီးမှာ ပေါ်ပေါက်ခဲ့ကြတာချည်းပဲ။ ဖောက်ထွက်မှုမှာ ကွာခြားသွားပြီး သမိုင်းနဲ့ တန်ဖိုးအဆင့် အနိမ့်အမြင့်ကွာသွားတာပဲ။ ဖောက်ထွက်နိုင်တိုင်းလည်း ကောင်းတာချည်းမဟုတ်ဘူး ။ ပတ်ဝန်းကျင်ကို အပြုသဘောဆောင် အကျိုးသက်ရောက်စေမည့် ဖောက်ထွက်မှုမျိုးကသာ ကမ္ဘာလောကက အလိုရှိ တန်ဖိုးကြီးတာဘုရား ။ အများစုကတော့ ယောနသံဠင်းတလမ်းစဉ်ကိုပဲ အားကျကျတယ်။ တပည့်တော်တော့ အားမကျဘူး။ ယောနသံစင်ရော်ကိုလည်း အတ္တတောင်ပံကြံ့သန်မှုအတွက်သာ လုပ်သွားတာမို့ သဘောမကျဘူး။ စင်ရော်နဲ့ ဠင်းတပဲ ကွာတယ်။ ရူးသွပ်တဲ့အတ္တအတွက်ပဲ ဖောက်ထွက်ကြသူမို့ မကြိုက်ဘူးဘုရား ""

"ဆရားသမားရဲ့ ယောနသံဠင်းတ ကိုလည်းဖတ်ချင်တယ်ဘုရား၊ ညွှန်းပါဦး"

"ဖတ်ပါ၊ငါးရာငါးဆယ်၊ဆက္ကနိပါတ်၊အဝါရိယဝဂ်၊ မိဂါ လောပဇာတ်တဲ့ဘုရား။ အဲ ဖတ်ပြီးတော့ ယောနသံရောဂါ မရကြပါစေနဲ့ဘုရား "

မောင်ရဟန်း(သာသနာ့ရင်ခွင်)

Posted using Partiko Android