Winners of "Tigi sa Tigmo" (Riddle Contest) ug Bag-ong Pamaagi sa Pagbahin sa Prize (3 SBD)

Maayong Gabii!!

Nindut kaayong paminawon nga sa unang round sa tigi adunay Pulo ka tawo ang niapil sa maong gipasigayon nga tigi. Ubay-ubay napud kini para sa pagsugod sa maong tigi. Para mahibaw-an sa tanan kini pud ang una nako nga contest nga gipasigayon diri sa Steemit maong lipay kaayo ko nga aduna puy mga ning-apil.

Sa pulo ka ning salmot adunay Walo ka tawo ang nakakuha sa saktong tubag ug ang kaning larawan ang listahan sa mga nakadaog!!

Sa mga wala nakadaug giawhag tamo nga muapil gihapon sa tigi sunod semana!

---

Nakita nako nga pusibli adunay pagkopya sa mga tubag sa mga nakauna ug tubag ug kon mudaog kini daghan ang magtunga-tunga sa ganti.

Luoy pud kaayo ang nakauna ug tubag diba?

Maong karon utrohon nato ang pagtunga o pagbahin sa ganti. Sunod niini mao ang pamaagi sa pagbahin sa ganti.

•Kon lapas ug 3 ka-tawo (og kon 3 ra pud) ang mudaog ang maka-una ug tubag makakuha ug 75% sa 3SBD. Ang ikaduha kay 15%, Ang ikatulong mutubag kay 10% sa 3 SBD. Sa mga ikaupat pataas nga mutubag tagaan nako ug .050 nga SBD.

•Kon adunay 2 ka tawo ang makatubag, ang nakauna makakuha ug 75 % sa 3 SBD ug ang ikaduha makakuha sa 25 % sa SBD

•Kon isa ra ang makatubag, makuha niya ang tanang bahin sa ganti.

Ako lang sa gihapong iparesteem ang Round 2 kay medyo gamay pa ang nangapil sa kini nga tigi!

---

Ang Tigmo ug Tubag sa Round 1

Unang Tigmo:

Ang dugo giputos sa unod, ang unod giputos ug bukog, ang bukog giputos ug panit... Unsa kini!?
-Lubi/Butong-

Ikaduhang Tigmo:

Ang itlog giputos ug unod, ang unod giputos ug panit, ug ang panit gitaptan ug bulbol... Unsa kini!?-Rambotan-

Salamat sa pagbasa!

---