Karya: Ahadi PJ
Banda Aceh, 05 Mei 2018
Aneuk cempala eatuh bak sukon
Ateuh bak lason na tulo dara
Mulo phon Haba Assalamualaikom
Wareh ngen kawon mandum lon sapa
Toe bineh pasi meuriti aron
Kayee ijo oen toe bineh rimba
Judul jih AMAI karangan Panton
Laju lon peuphon baca syedara
Umpung tiong dicong bak panjoe
Aneuk beuragoe eatuh bak para
Dengoh Bismilah lon ruwah
rampoe Pakriban asoe jinoe lon rika
Ileume sihee wahee rakan droe
Bek gata peutoe beurangjan masa
Nyoe roh ta AMAI kanjai ngon rugoe
Singoh geu pasoe dalam nuraka
Keu peu didonya gata kha tuloe
Lam kubu sidroe taro yaitu mata
Sinoe jeut taproh tuboh kreuh asoe
Singoh meupaloe blang padang masya
Bungong keutapang keumang oh uroe
Sibungong mawo ceudah wareuna
Toh cit ta AMAI Yang toh tapeutoe?
Ilme peut boh nyoe AMAI le gata
Ileume tauhid wajeb meurunoe
Mangat ta tusoe jadi Tuhan gata
Ileume fiqah amai hai adoe
Mangat tatuho hukom yang beuna
Keu lhee tasawuf beuna meureunoe
Benci geutanyoe nak jeut teujaga
Keu peut mantek beumeukeutek peusahoe
Meukre geutanyoe na meu etika
Beu ta amai yang peut boh nyoe
Mangat meuhoe hai syedara
Tujuan hudep di donya tanyoe
Tajak meurunoe bek lale gata
Et no keuh panton lon suson rampo
Meuah ulonnyoe nyoe salah rika
Kadang na makna meutuka asoe
Kritik ulon nyoe jeut tupat banja
Congratulations @al-risyi! You have completed some achievement on Steemit and have been rewarded with new badge(s) :
Click on any badge to view your own Board of Honor on SteemitBoard.
For more information about SteemitBoard, click here
If you no longer want to receive notifications, reply to this comment with the word
STOPDownvoting a post can decrease pending rewards and make it less visible. Common reasons:
Submit