Saleum Rakan Meutuwah!

Nyou kali nyou ulon tuwan posting keu catatan ulon tuwan, neu baca dan komen jeut, hana suah vote keudeh. Nyou kon bhah lucu atawa seudeh that meunan lah, dang tingat teuh ta tuleh ju ilee.

1

Thon 1999, loen raba mom loen lagee geu yu lee ureung kompanye anti kanker payudara, na keuh teuma wa neuk ubee plouk keh, blah wi ngon uneun. Han that loen pakoe syit away, teuma tingat teuh sabee, loen jak lah u Doto umum yang cantek rupa di lam dingin, Doto Erlina nan geuh. Aleuh preih meu sijeum (that ramee pasien geuh), han teunte kaleuh ta daftar ngen bayeu kartu 2 ribee perak.

Geu yu ek ateuh mpat eh, geu pareksa, geu tanyoung nyou jeh, geu jok surat rujukan, geu yu jak bak Doto bedah di Seutui aleh blower han tingat Lee saweub ka tuha teuh, mata-mata ka rabon. Silang padum urou, loen jak teuma. Seubeutoi jih Loen tuwan kop brat male watee geu lakee pareksa mom teuh, teuma Kiban ta peugot? Hawa keu puleh ya tueng resiko lah.

Watee lheuh geu pareksa, geu teugon bak padum pat bak boh diek, geu peudeuh muka gura, lagee ureung yo meunan. Geu peugah ju, pajan nak plah peuteubit atra nyan. Bingong lah aneuk muda😱, kiban cara meu'en plah, tanyou ta teupeu sapu pih tan. Saweub ulon tuwan nyou agak "meuchap" bacut, jadi loen tanyoung aju. "Memang jih, peu teuman atra nyan hay om Doto meutuwah? Padum yum miseu ta plah, peu mantong yang pereulee ta peusiap?". Geu jaweub Lee gobnyan, "han ta teupeu lom peu nyan, ta cok dilee alheuh nya ta biopsi". Biopsi nyan kon bioskop beuh. Jadi nyan simacam cara nak ta teupeu peu atra asoe atra nyan, peu keuh bahaya atawa han keu tuboh teuh, yum plah 400rb siblah, nyan galom ubat biuh, kama, ubat, dll. Keuno keudeh 2 juta lah, na peng loen masa nyan dum nan, saweub na gaji watee jeut keu bendahara Unfrel.

Han loen tem aju operasi, loen tuwan wo u gampong, loen peugah bak mak ngon bapak. Geu pulang pikee bak drou loen tuwan, saweub peng loen, gobnyan dua geuh hana mampu. Tingat loen, miseu sigou tuboh teuh ji teume rasa sikin operasi, sang payah lakee lom. Alheuh nyan, iloeng meukawen galom, lakoe galom pih ji kalon atra teuh, kiban ta peubiyeu na luka hinan. Ooh.. Kamoe memang na bacut keturunan ureung keunong tumor lagee nyan, adek ngon kak pih na keunong syit.

Kakeuh, han jadeh operasi, loen meu ubat gampong mantong, ta pantang nyou ta pantang jeh, geu yu pajoih kunyet jampu boh Manok mirah, ta pajoih syit. Geu yu tempe oun murong, upie sira meurajah, pajoih bubok kacang ijo teu adee, bek pajoih mie, bek toge, rukok boleh. Kiban, na saket? Saket chit bacut, kiban rasa... Tit tuet lagee jikap-kap asoe teuh. Na meu nam buleuen teu inggik-inggik, weuh hate dan wah ulee meunan. Tapi ban ka lewat sithon, ka tuwo. Lagee biasa, mantong saket, tapi han pangsan bak ta theun lah. Jinou Kiban? Hom... Hana saket lee pih.

2

Nyan, seuleso tanpa operasi. Thon 2010, watee nak jak bak pesta ngon meukawen di gedung sosial, lheuh pasoe minyeuk bak SPBU simpang unida away, ka reubah, ji pok rhot likot lee moto pick up, patah lah tuleung baho teuh. Kejadian jih sekitar poh 10 beungoh, ji bri tumpang lee ureung pok u rumoh saket permata hati, punge, lheuh nyan ijih jijak ju hana ji meu urusan lee, kakeuh lagee nyan, peu ta mita karu. Kadang chit ka raseuki tuboh teuh.

Jipakat lee si Don @zulfikar.ngoham jak meu urot bang tgk Ali, alheuh kalon foto ronsen, han aju iloeng nyan. Preih Doto troih, geu peugah nyou operasi mantong. Panee preih wa go leuho teuma, mita aju kama, bri thee mak di lhok, adoe loen tuwan pih ji uroih segala yg jeut, troih dum ngon jak saweu, ji peutaba rukok padahai tanyou Suwah puasa sigalom geu plah teuh. That meutuwah ji teungku ngon teuh.

Poh 1 malam, geu tulak mpat eh, u ruang operasi, loen tanyoung mandum prosedur, pat geuplah, kiban geu cop, nyan bek plah baho tapi jak rugee yang laen lee perawat Agam, pokok jih han loen tuwan piyoh teumanyong sampo geu peu pangsan ngon ubat. Alhamdulillah, Adak pih iloeng biasa darah ji miyup 100, hb hantom leupah keu donor, watee malam nyan, hana suwah mita darah tamah. Poh 3 beungoh, jaga loen. Ka lheuh geu pasang baot nyang yum jih saban ngon 5 mayam meuh. Panee na uroih JKA tanyou kon ureung gasien watee nyan. Adak na asuransi, so jak uroih, kakeuh ta publoe ju obligasi ek haji teuh. Alhamdulillah, sep, hana suwah meu utang.

Na keuh, 4 urou eh, 'iek dan seumajoh ateuh mpat eh, watee ka jeut beudoh, ta peu bereih yg hana ji teubit 4 urou nyan. Peu bereih adm, wo teuma, loen tuwan watee nyan sewa rumoh di Deah Glumpang. Singoih jih... Jak kanto ACSTF. Siaran tetap sampo geu top radio sekitar buleuen 2 lee boss, na ureung yu kerja di Lhokseumawe, loen wo aju. 2 buleuen ka jeut beu eot jarou wi lah, ka jeut ba honda keudroe. Nyan pih saweub ta pip rukok lom, jadi lancar gerakan teuh. Ulon tuwan mat rukok ngen jaroe wi, maka mudah puleh... Hahahaha 😂🤣

Nyou, sampo urou nyou, baot nyan galom meu peuteubit. Galom paih watee, sayang pih na bacut keu baot 5 mayam nyan😊😅. Panee mangat teuma tanyou na baot lam tuboh teuh, kop hek bak peutimang. Mas lakoe pih, han Geu jeut that mayang, takot krak patah lom😜. Kali nyou meunyo patah lom... Nyan keuh wab baot nyan.

Nyan keuh meunan teukedi Allah, leupah teuh dari blah deh, ka meupagap teuma blah no. Tanyou hamba chit hana daya, kiban Geu gareih, lagee nyan ta rasa. 11 thon ta plueng dari sikin, ujong buet keunong chit. Miseu teukedi teuh matee bak jaroe rimueng, han meu iseuk meu si klep mata pih. Nyan, bhah rimueng nyan, loen prouk haba keulayi beuh.

Peunteng that tanyou ta jaga kesehatan, iloeng kon ureung galak pajoih bakso atawa mie yg geupeugah seubago salah saboh pemicu tumor payudara. Hana pih iloeng teukeuchak that bak meupakaian, chit han sanggop ta meugaya, hana sen teuh. Kon pih tanyou galak ta mayang bak taloe ra'ueh. Meupok chit, patah chit Adak ka lheuh ta pakek helm, ta bri lampu sein. Tuwah tuboh teuh chit ka meunan. Lheuh kejadian nyan, iloeng brat loen jaga drou, dak pih na chit ji pok lom meu padum go, tapi han tom rheot meupunyo lee, paleng meukilah keu-ing bacut. Nyan pih peutanda bahwa na nyang pereulee ta ingat. Kadang galom ta bayeu zakeut, kadang galom ta bayeu utang padahai ka sanggop, atawa na amanah galom ta peutroih. Bek beungeh, ta istighfar mantong, ta cok hikmah, ta peu meu'ah miseu ikhlas. Hana faedah chit miseu ta dong beukong ta lawan syiara teuh sesama muslim, nyan peunteng bek sasabee ji takat teuh. Watee wajeb lawan ya lawan, tapi miseu mantong jeut ta saba, leubeh jroih.

OKMK...OHNO KEUH MEUNAN KEUH😃 nyou haba #pehtem. Nteuk ta peugot program komunitas pehtem, aci bri ide. Loen sumbang 1 SBD Nteuk.