Lam masa buleun puasa bak sikula rata rata jipeugoet yang nan jih pasantren kilat.geukheun pasantren kareuna hinan jipeureunoe agama bacut sapu.geupeunan kikat kareuna siat sagai.
Kamoe pih hana kendoe.seulama puasa kamoe peugoet pasantren.tapi koen kilat.karena kamoe peureunoe aneuk mit dari poh tujoeh sampe poh siblah.tip uroe seulama ramadhan.beut nyoe adalah sambongan beut awai seugohlom puasa.jadi inti jih beut lampuasa adalah beut awai cit.cuma wate jih sagai yang meu ubah.kareuna han mungken aneuk mit jijak seupoet.seubab ka heuk jih.
Lheuh puasa jadwal ka.lage biasa lom yaitu lheuh leuhoe sampe poh limoeng seupoet.yang rayeuk bacut sboeng lom malam.seuhingga beut nyoe sah that takheun pasantren.tapi koen kilat.kareuna meureunoe jih sabe tan trep trep.
Baroe koen aneuk mit beut lam puasa pre.tapi kareuna wate ta kaloen hana manfaat pre.dan aneuk mit gadoeh ji meuen meuen.seuhingga wate jijak lom teuman kabeuh tuwoe jih mandum kakeuh jinoe puasa hana le pre.leubeh lom jinoe adak aneuk mit laen hana cit yang hana jibeut.jinoe kana istilah TPA keu aneuk mit yang geupeugoet le tengku tengku dayah yang woe u gampoeng seulama puasa.istilah tengku nyan safari ramdahan.seumacam KkN bak aneuk kuliah.tengku tengku nyan lam masa puasa akan geutinggai bak meunasah gampoeng untuk geupeu udeup gampoeng bak tugah gobnyan.mukai jamaah sampe pengajian.baik pengajian keu aneuk mit atau keu aneuk rayeuk.rata rata tengku yang tugah nyan ka geubeut glah tujoeh.kale pu lah jeut geupeureunoe keu geutanyoe gampoeng nyoe.
Acara beut yang kamoe peugoet khusus keu aneuk mit lingka padup padup droe sagai.hana teurimoeng aneuk mit laen.karena terbatas dumpu.terbatas kemampuan.terbatas tempat.