රාත්‍රියේ රැජින

ඊයේ රෑ හතේ විතර ඉඳන් 12 විතර වෙනකම් හරි අපූරු දෙයක් මගේ කැමරා කාචයට හසු වුණා .

"එකෝමත් එක කාලෙක නාග ලොවින් අපේ ලොවට ආපු සුර දූතිකාවන් තිදෙනෙක් විලක් අසබඩ දිය නාමින් ප්‍රීති වෙමින් සිටින අතරතුර බලගතු තවුසෙක් එම විල අසලට පැමිණියේ භාවනානුයෝගීව වැඩ සිටීමට.. තවුසා ඈත තියා පැමිණෙනු දුටු දූතිකාවන් විල් දියේ සැඟවුණේ නොබෝ වේලාවකින් තවුසා ආපසු යනු ඇතැයි සිතාගෙන.. නමුත් තවුසා පසුදින අලුයම තෙක් එහිම සිටියේ ය... විල් දියේ සිටි දූතිකාවන් සීතලෙන් හෙම්බත්ව තවදුරටත් එහි සිටීමට නොහැකිව ගොඩට පැමිණි මොහොතේ තවුසාගේ දැහැන බිදුනි.. එයින් කෝපයට පත් තවුසා සුර දූතිකාවන් ව එම පොකුනෙහිම මල් බවට පත් කලේ ය.. මෙය දුටු නාගලොවේ රජුට පවා තවුසාගේ මන්ත්‍රය බිදීමට නොහැකිව යන්තම් හෝ ඔවුන්ට සහනයක් ලබාදීමට සිතා ගොඩබිමෙහි ගස් අතු පතර මල් බවට පත් වූ සුර දූතිකාවන් රැඳවූහ."
ඇය විකසිත වන්නේ රාත්‍රී කාලයට ය.. ඇයගේ මිහිරි සුගන්ධය මන් මත් කරවන සුළුයි..ඒ සුගන්ධය ඔබව සිහින ලොවකට රැගෙන යාමට සමත් වෙයි.. රාත්‍රියෙහි පිපී අළුයම සැගවී යන ඇයගේ සුන්දරත්වයට සම කල හැකි වෙනත් කිසිදු යමක් නොමැත.."ඇය රාත්‍රියේ රැජිණයි"
නාගලොවින් දෙවිවරු පවා ඇයව සොයාඑයි. සිරිපා වන්දනාවට ඇයව රැගෙන යයි.. ඇයගේ පහස ලැබීමට ඔබට මෙතෙක් නොහැකි වුණාද.. මල් ලොව රැජිණ විකසිත වෙන ඒ මනරම් දර්ශනය මෙතෙක් ඔබ නොදැක්කේද.. ලත නොවන්න.. එන්න අපේ ගම් තුලානට.. නොමිලයේ ඇයව ඔබට ලබා දෙන්නම්.. ලොව මිල කල නොහැකි කඩුපුල් මලෙහි නිර්මල සුගන්ධයට ඒ දැකුම්කළු බවට සම කල හැකි වෙනත් පුෂ්පයන් නොමැත්තේ ය.. ඇය වචනයේ පරිසමාප්තියෙන්ම රාත්‍රීයේ රැජිණ" යි....