Betterlife; postingan perdana saya dalam membawakan bahasa daerah aceh-indonesia; cerita uroe jum'at barokah, tanggai 10 Desember 2021

Lon lakee meuah berayok that, bak rakan-rakan mandum.

Uroenyo lon coba tuleh saboh cerita lon pubut uroe nyo, ngon bahasa aceh.

Teukeujot lon bak poh 3 malam, lon beudoh laju lon jak bak mon, lon tung ie sembahyang, lon tamong lom lam kama, lon sembahyang sunat 2 raka'at, lheuh lon sembahyang sunat, lon meuratep dan lon meu seulaweut sampe trok watee sembahyang suboh.

Lheuh lon sembahyang suboh, mata lon hi kateungeut lom, lon cok kesimpulan lon eh siatteuk dang-dang peungeuh iteubit mata uroe.

Poh 7 lewat bacut lon jaga, lon beudoh lon jak aju bak kama mano, lon mano-mano lon pakek baje, lheuh nyan lon jak pengon peurumoh lon jak ulampoh jak pot boh pik keu gulee pajoh bu cot uroe.

Lon woe dari lampoh, lon peutren purumoh lon di rumoh, lon jak berangkat bak keude kupi, lon jak mita ie kupi bengoh ngon rakan-rakan laen yang ka awai trok keunan.

Poh 12 lon woe dari keude kupi urumoh, lon mano aju, lon pakek ijakrong dan baje keumeja, lon berangkat aju umeuseujid, lon jak mesjid uroenyo bak mesjid gampong droe lon di meunasah blang teupin punti.

Kebutulan bak meuseujid gampong lon uroenyo, yang kut'bah jum'at tgk @ramadhan98, bereh that geupeugah haba tgk @ramadhan98 uroenyo masalah ureung yang han akan tamong syuruga.

Lheuh lon sembahyang jum'at jama'ah lon woe aju urumoh, lon jak pajoh bu cot uroe ngon kuah boh pik, cot uroenyo payah tamah bu aleh karena deuk that aleh kuah mangat that.

Lheuh lon pajoh bu, na siat ka meusu hp, lon kalon @fajrulakmal99 telepon, got nyan geupakat lon jak jeb kupi meye hana but laen, karap han meuteume jaweub jeut, bak teuingat lon kana ureung bayeu ie lom cot uroe nyo.

Kamo duk duk bak keude kupi sampe poh siteungoh 5 seupot baro kamo woe, karena lon nak jak sipak boh bhan siat, mita reuoh seupot, ngat mangat mano seupot.

Nyan keuh lagee nyo but yang lon jak uroe nyo.

Lon lakee meuah sigoe teuk bak droe neuh mandum.

Meyena tulisan lon yang gasa atau salah lon tuleh dalam bahasa aceh, nyan siploh jaroe ateuh ulee lon meugade neupeu meuah lon beu sigra.

Akhee haba lon, lon lake bak Allah geutanyo mandum beu geubri sehat teuh sabee, beu mudah raseuki, dan beu geupeujioh bala-bala yang na di bumoe seuramoe meukah nyo. Amin...

Cc; para steemian aceh- indonesia

Saleum lambong dari lon tuan.
@aril.hatake