Source

(متکبّر کی مثال)

عربی زبان کی ایک عجیب اور حکیمانہ مثل ہے۔

جس کا ترجمہ یہ ہے کہ متکبّر کی مثال اس شخص کی سی ہے جو پہاڑ کی چوٹی پر کھڑا ہو، اور وہ بلند ہونے کی وجہ سے دوسروں کی چھوٹا سمجھتا ہے۔

اور دوسرے اس کو چھوٹا سمجھتے ہیں، تو متکبّر جب کبھی وہ دوسرے پر نگاہ ڈالے گا تو اس کے دل میں دوسروں کی حقارت آئے گی۔

اور کسی بھی مومن کے اوپر ، مومن تو کجا، کافر کے اوپر بھی حقارت کی نگاہ ڈالنا گناہ کبیرہ ہے۔

اب جو شخص متکبّر ہوگا وہ دوسروں کو حقارت کی نگاہ سے دیکھے گا، اور جتنے انسانوں کو حقارت کی نگاہ سے دیکھے گا، اتنے ہی گناہ کبیرہ اس کے نامہ اعمال میں بڑھتے چلے جائیں گے۔

پھر متکبّر جب دوسروں سے بات کرے گا تو ایسے کرخت انداز میں بات کرے گا جس سے دوسرے کا دل ٹوٹے۔

اور کسی مسلمان کا دل توڑنا بھی گناہ ہے۔

اللہ تعالیٰ ہماری حفاظت فرمائے، آمین۔

جزاک اللّہ۔