JAK U BANDA

Assalamu'alaikum. Saleum Aneuk Nanggroe
rakan sinaroe sabe beu mulia
bak kesempatan kali nyoe cuba lon peusampoe
nyoe photo baroe watee lon jak U Banda

beujeut keunangan lon keubah di sinoe
beujeut keuh taloe ngen sapa syehdara
yang teungoh meukat atawa meubloe
nyang na lam moto atawa honda

Kru seumangat keu bandum rakan
sehat ngen badan pikiran seujahtera
neubi phui tuboh seumah po tuhan
bek pre seumbahyang tiep tiep kutika

beuneubi mudah raseuki thayyiban
berkat bak tuhan adak pih sideupa
kupeue adak le harta ban dewan
mamfaat ka tan bideueng agama

beuneubi wareh keluarga rahmatan
sabe meu iman lam rumoh tangga
adak pih seupre tika rakitan
beu mangat badan watee ban jaga

aneuk peurumoh amanah tuhan
barang titipan cit sementara
bek jeut keu fitnah tuweu keu tuhan
lale di badan ibadat hana

oh noe keuh dilee haba sapaan
nibak laen jan lon sambong teuma
kadang cit hanpah haba tan uram
ujong han keunong buhu pih hana

saleum ulon top bak hujong kalam
moga bak tuhan rahmat silingka..