Kriptovalyutalar iqtisadiyyatın yeni bir parçası ola bilərmi?

Hər bir sahənin içində onu tamamlayan hissələr olur. Hər dəfə həmin sahə irəliyə getdikcə onun içindəki hissələr yenisi ilə əvəz olur. Əvəzlənmə olmadığı təqdirdə həmin sahənin irəliyə getməsi daha da çətinləşir. Mövzudan çoxda uzaqlaşmayacam. Günümüzün maliyyə sahəsinə yeni daxil olan kriptovalyutalar. Kimilərinə görə yeni yatırım və qazanc üsulu, kimilərinə görə isə yeni ödəmə sistemi. Yazdığım hər iki növdə iqtisadiyyatla sahəsi ilə əlaqəli olan hissələrdi və hər iki növ iqtisadiyyat sahəsinin yeni sahələri sayıla bilər. Artıq bildiyimiz kimi, bir çox yerlərdə kriptovalyutaların ödəmə vasitəsi kimi qəbul olunması, El-Salvadorun ilk dəfə ölkədə bitcoin-in rəsmi ölkə səviyyəsində ödəmə vasitəsi kimi qəbul etməsi, bir çox birjada kriptovalyutaların yatırım vasitəsi kimi istifadə olunması yeni növ iqtisadiyyata keçid etdiyimizi işarət edir. Sözsüz ki, yeni növ iqtisadiyyata keçmək elədə asan məsələ deyil. Hər dəfə yeni əngəllər, problemlər yaranmağa başlayır. Dövlətlərin ölkə səviyyəsində kriptovalyutaları qanunən qəbul etmələri birnöv öz iqtisadi maraqlarından asılıdır. Qəbul da edə bilərlər, qəbul etməyə də bilərlər. Hal-hazırda bunu da görürük. Bəzi dövlətlər kriptovalyutalar üzərinə qadağalarla gəlirlər, bəziləri də kriptovalyutalar üzərində xüsusi leqallaşdırmalar və pul vahidi kimi qəbul edirlər. Düşünürəm ki, hələ bu başlanğıcdayıq. İqtisadiyyatın köhnə hissələri yeni hissələrlə əvəz olunur. Dövlət valyutalarının kripto valyutaları ilə əvəz olunması, dünya səhm bazarın kriptovalyutaları əvəz olunmasının şahidi oluruq. Əlbətdə ki, bunlar elədə çox yayılmayıb. Amma illər keçdikcə, bunlar insan amilinin təsiri ilə yayılmağa başlayacaq və kriptovalyutalar iqtisadiyyatın yeni bir hissəsi olaraq öz yerini alacaq.