Anime✌🏼 ||#club5050

Heç anime izləmisinizmi? Ya da izləyirsinizmi?
Mən anime izləməyi çox sevməyə başlamışam. Mənimçün çox sevdiyim filmlə eynilə çox sevdiyim animenin fərqi yoxdur. Uşaq vaxtı yəqin ki çoxunuz "kaptan Tsubasa"ya baxmısınız. Bu da animedir. Biz bacım və qardaşımla necə həyəcanla baxırdıq. Müxtəlif futbol komandalarına azərkeşlik edirdik. Təbii ki Tsubasa bizim üçün 1 nömrə idi həmişə. Uşaq vaxtı bu cizgi filmin anime olduğunun fərqində deyildim. Böyüdükcə animelərə baxmamağa başladım daha çox xarici filmlərə, seriallara baxırdım. Lakin universitetdə qrup yoldaşım anime'lərə baxırmış. O izlədiyi animelərdən danışır, bizə də baxın deyirdi. Amma mən çox vaxt onların dilinə öyrəşə bilmərəm(alt yazılı izləyirəm çünki xarici filmlər olduqda), baxa bilmərəm kimi sözlər deyirmişəm. Daha sonra mən də baxmaq həvəsinə gəldim. Yaxşı ki, gəlmişəm.

Hər dəfə qrup yoldaşımdan mənim sıxılmadan baxa biləcəyim anime tövsiyəsi alır və tövsiyələrinə güvənərək açıb izləyirəm. Düzü indiyəcən nə qədər anime deyib xatırlamıram ancaq dediklərinin çoxunu izləyib bəyənmişəm. Geriyə qalan az hissəsi də ya izləməyə vaxt edə bilmədiklərim ya da ki serial olan animelərdi)) Movie anime izləməyi daha çox sevirəm. Seriallar çox uzun gəlir davam etdirə bilmirəm bəzən sonacan. Ancaq yenilikcə serial olan animelərə də baxmağa başlamışam). Arada mən də qrup yoldaşıma baxdığım animeləri deyirəm baxmadığı animedisə o da baxsın deyə. Mənim baxıb da onun baxmadığı bir anime olanda təəccüblənmirəm desəm yalan olar) Animeləri izləyib onunla müzakirə etməyi də çox sevirəm. Oradakı sevdiyimiz ya da sevmədiyimiz obrazları, səhnələri müzakirə etmək gözəldi.

link

Mən daha çox dram,dedektiv ya da ki sakit, melanxolik tərzdə olan animelərə baxmağı üstün tuturam. Nədənsə fantastika və döyüş mövzulu animelər məni cəlb etmir, bu eynilə filmlərdə və kitablarda da belədi mənimçün. Çox az hallarda fantastika mövzulu olanlara da baxıram ya bəyəndiyim bir main character olduqda ya da mövzunu çox bəyəndikdə)) Bu günlük bu qədər.
Marağınızı çəksə sizə də anime tövsiyə edə bilərəm✌🏼