The diary game|| Keçmişdə və bugün❇️ /06:05:2022/Club5050 (100% beneficiaries for Steemit Azerbaijan)

Salam, Steemitçilər, necəsiz? Cümə axşamlarının verdiyi rahatçılıqla nə edirsiniz? Mən təqdimat hazırlayıram məsələn, yenə son günlərə saxlamağı bacarmışam. Deməli, bizim tətildə keçmədiyimiz dərsləri mütləq əvəz edib keçməliyik, bu qayda da Sabah qruplarına aiddir, yəqin oxuyan uşaqlar üçün yaxşıdı, amma mən heç sevmirəm, əlavə dərslərin çoxsunda da olmuram, bugün isə getmişdim. Sən demə heç kim sevmirmiş əlavə dərsləri, cəmi 7 nəfər idik, müəllim yenə də keçdi dərsi. Hə, bir də bugün dərs keçdiyimiz otağı çox bəyəndim, bizə heç elə otaqlar verməzlər. Uzun zaman sonra ilk dəfə universitetdə şəkil çəkməyə qərar verdim.

(İndi siz otağa baxıb bəyənməzsiniz, amma dərs keçməyin rahat olduğu üçün bəyəndim mən )
Sanki şəkil çəkdim deyə evrene mesaj getmişdi və o da mənə geridönüş edirdi. Həftədə ən azı 2 dəfə yanından keçdiyim bu bitkilərin üzərindəki yazılar dəydi gözümə.

Bir növ çarəsizlik kimi görünür, əgər ora sonunda nida işarəli bir cümlə yazsaydılar bir nəticə ala bilməyəcəkdilər. Tərs məntiqdi bir növ
Daha sonra isə laboratoriya dərsimiz var idi, müəllim keçən dərs bizə bir qurğu göstərəcəyini demişdi, dərsin sonuna yaxınlaşdıqca müəllim bekarlıqdan bizə suallar vermək istəyirdi, dedim tam zamanı və müəllimin yadına saldım. Getdik həmin qurğuya baxmağa. Beş- altı nəfər tələbə getmişdik, hə, uzağa da getməmişdik sadəcə yan otağa keçmişdik.

Orda da şəkil çəkdim, böyük qurğularla ilk dəfədi tanış olurduq. Müəllim iş prinsipini başa saldıqdan sonra otağa qayıdanda elə yenə 5-6 nəfər idik, digərləri getmişdi. Mən bugün universitetdə keçirdiyim zamandan razı qaldım. Günüm ümumilikdə yaxşı keçdi deyə bilərəm. Bu qədər əlavə bəsdir, məncə, @revan746 , gələk indi mətləbimizə
Bayram tətilindəki gəzməklərdə yaxşı postluq söhbətlər etmişdik, daha doğrusu söhbət edirdik, o sırada mən bunları post olaraq yazmağı düşünürdüm. Biz qonaq getdiyimiz yerə direktorumuz da gəlmişdi, orta məktəb vaxtı müəllimlərlə əlaqəli qohumlarımıza getməməyə çalışdırdım, tələbə olan sonra isə biraz fərqlidi. Bəlkə də, sadə olan ama qürurla deyə biləcəyim çox şey var deyə artıq müəllimlərlə qarşılaşmaq arzuolunandır.

Söhbət elə "söhbət etməkdən" gedirdi. Daha doğrusu son zamanlarda söhbət edilməməyindən. Bizdən böyüklərin texnologiyanın inkişafına olan münasibəti olduqca fərqlidir. Tamamilə razı olanlar da var, yaxşıdı ama düzgün istifadə olunmur deyənlər də. Tək telefon, internet haqqında deyil, yediyimiz qidadan tut, təhsilə qədər fikirlər - 'hər şey ancaq sovet dövründə yaxşı idi' olur. Müəyyən qədər onlara haqq verirəm. Bu dəfə böyüdüyümü vurğulamaq fikrində deyildim, amma post özü bunu tələb edirdi. Elə məqamlar var ki, bəzən mən də öz dövrümdən yanayam, daha doğrusu gələcək dövrün yaxşı olmadığını düşünürəm. Ama hansı məqamlarda?

Məsələn, bir neçə gün əvvəl bayram idi, mənim balacalığımdaki bayramla, bacım oğlunun indiki bayramı eynidir? Əlbəttə, yox, insanlar uzaqlaşıb, hər kəs özünə olub. Mənin müqayisə etdiyim 5 il əvvəllə indidirsə, bir də böyüklər 20-30 ilin söhbətin edirlər. Onlar üçün dəyişiklik daha çoxdur. Keyfiyyət məsələsinə gəldikdə isə, bu pis haldır ki, niyə inkişafın çoxalmasına baxmayaraq təhsil yaxşılaşmır? Təhsil bir kənara ünsiyyətin azalmasından da bir növ dad edirdilər. Keçmişin qoxusunu hiss etmək istəyirlər, keçmişdə qonaqların necə deyərlər "çat kapı" gəlməsinin belə marağını indiki qonaqlıqlar vermir. Bəzi məqamları çıxmaq şərti ilə mən inkişafdan, yenilikdən yanayam✌🏻. Düzgün istifadə edərək əla nəticələr əldə edə bilərik.

Keçmişin qoxusunu hiss edərək, hər daim yeniliyə doğru getməmiz diləyi ilə. Oxuduğunuz üçün minnətdaram🙏🏻