Alpaysayağı hamur işi - bizim bildiyimiz içiboş peraşki

Xoş gördük, @SteemitAzerbaijan☪✔ -nın yaradıcı kollektivi!
Bu gün Alpay balanın sifarişi ilə tezbazar hazırlanan hamur kızartmasının (bizim dildə içi boş peraşki) reseptini paylaşacağam.
Axşam saat 9-da oğlumun beyninə düşdü ki, ana səhər məktəb üçün mənə hamur yap. Bahooo, yaman yerdə axşamladıq deyib, keçdim mətbəxə. Bilirəm, yapmasam, çətin olacaq, onsuz da məktəbə getməmək üçün bəhanə axtarır)
İnqrediyentləri əlimə alıb başladım işə:

Tərkibi	Miqdarı
un	4 stəkan
ilıq su	1,5 stəkan
turş maya	1 çay qaşığı
Duz	bir çimdik

Xəmiri yoğurub üzərini streçlə bağladım, diqqət etdim ki, azca hava yeri qoyum. Xəmir qabarbalıdır axı)
Daha sonra onun da üzərini dəsmalla örtdüm, getdim yatmağa)

Səhər yuxudan oyandığımda xəmirim qabarmışdı, mayası turş olduğu üçün istədiyim də bu idi)

Yuxulu-yuxulu tez xəmirləri qızartmağa başladım. Alpay bala içli xoşlamadığı üçün işimi bir qədər asanlaşdırıb. 20 dəqiqədə hamısını qızardıb bitirdim.

Oğlum yuxudan oyananda sevdiyi qoxunu duyub sevindi) Məktəb üçün kocaman bir boşqabını doldurdum və dedim ki, sinifdə yeyərkən uşaqların canı çəksə, mütləq ver)

Səhər qəlyanaltısında qayınatam və qayınanam da nuş etdilər. Dadını çox bəyəndilər. Dedilər, kıtır-kıtır olmuş, əllərinə sağlık!
Bu gün ilk dəfə Steemitdə resept paylaşdım. Ümid edirəm, davamı gələr)

Hər kəsə gözəl gün arzu edirəm! Steemit Azerbaijanla qalın!