Ətrafında dolaşan uğurlu insanlara bəxti var deyib keçmə-nəticə səbəblərə bağlıdır. Hər gün fitnes salonlarında tər tökdükləri, 1-2 saat kitab oxumaqları, elmi-texniki video izlədikləri bəlkə də görünməz, amma nəticələr həsəd dolu seyrə aparar. Bəzən bax elə indi həsədsiz və bəhanəsiz addımını at. İstədiyin kitab yoxdursa, bilinməyən hər hansısa heyvanın, bitkinin yaranışını, yaşayışını, mübarizəsini izlə. Əminəm ki, dərs alacaq çox şey öyrənəcəksən.
Əlinə bir qələm al hər hansısa bir ideanı yaz, sevdiyin şəkilləri çək, hər keçən gününə bir yenilik əlavə et. Çətinliklərlə qarşılaşanda hədəfini xatırla. Çətinliklərin müvəqqəti olacağına inan. Amma uğurların isə daimi olacaq. Necə deyərlər elə indi, bu gün başla, sabah gec olacaq.
