Growing up in Steemit. | Every day one article 🚀 100% beneficiaries for Steemit Azerbaijan)

Bir il əvvəl 3 dənə çiyələk şitili alıb əkmişdik evin arxa tərəfində kiçik bir torpaq sahəsində kənar bir hissəyə. Kölgəlik olduğu üçün o qədər də yaxşı deyil sanki. 10-15 gün əvvəl şəkillərini çəkmişdim hələ üzərində kiçik meyvələr olduğu zaman.

İndi qızarmış və şirinləşmiş tam təbiət əsəri. Meyvəsi dadlı olur hər gün baş çəkib yoxladığın, qulluğunda durduğun fidanlar.

Biz 2017ci ildə ilk fidanlarımızı əkdik. Hesablarımızı yaratdıq Steemit Azərbaycan Topluluğunda. O zamanlar bot.az adlı bir kurasiya hesabımız da vardı. O zamnalar ən yaxşı şərhlər də səs alardı. Zaman-zaman bu hesablarımıza baş çəkərək yoxladıq. Zaman oldu illərlə buraxıb getdiyimiz günlər də oldu. İçimizdən bir dost, bu sistemə hər halı ilə inanan, bu sistemi çözməyə çalışan @revan746 heç bir zaman tərk etmədi steemiti. İndi əkdiyi çiyələkləri ən çox o dərir. Nə qədər çalışarsan o qədər bərəkət əldə edərsən. O zaman da indi də bu pişiklər kimi baxırıq post nə qədər qazanıb.

Burda qazanmağın, bəhrə əldə etməyin yolu artıq hər birimizə bəlli oldu.
Səbrlə, səbrlə yenə də səbrlə çalışmaq. Yorulub getməklə yalnız itirmək mümkündür, qazanmaq deyil.
Hər birinizə birgə olub həm özünüzə həm də ətrafınıza faydalı olmağı və gələcək hədəf üçün səbr etməyi arzulayıram.