Bir çoxlarımız yuxuya gedərkən, yuxu ilə reallıq arasında olan xəfif əsintini hiss edə bilirik. Fəqət ondan sonrası necə? Bəli, bu çox böyük ehtimalla yadımızda qalmır. Məhz bu əsintidən sonra biz yuxuya daxil oluruq. Bəs, yuxuya daxil olarkən fərqində oluruqmu? Baxın, budur kilit nöqtəsi. Əgər siz real zaman çərçivəsini hiss edərək əsintidən xəbər aldıqda, yuxunuzu idarə edə bilərsiniz. Necə? Sadəcə yuxuya gedərkən yuxuya getdiyinizdə özünüzlə kiçik söhbət etməlisiniz. Şüuraltı yollar açılmalı, və şüurunuzda olan yuxu qatlarına enməniz lazımdı. Bunu hiss edərək, kiçik meditasiyalar ilə hər gün yoxlasanız ilk bir neçə cəhtdən sonra özünüzün yuxusunda ayılacaqsınız. Fərqli rənglər və fərqli dünya qarşısında qalsanız təəccüblənməyin. Çünki burada sizin şüuraltınız var. Ən ilk çağlardan bəri beyninizdə ilişən bir çox nüans və sonsuz sayda məlumatlar toplusu. Bəs yuxuda olduğumuzu necə anlayırıq, idarəni necə əlimizə alırıq? Təbii ki, öz əllərinizə baxaraq. Bir əlinizdə 2 digərində 12 barmaq ola bilər. Bu vacib deyil. Əsas vacib olan birinci özünüzə hökm etməyi və idarə etməni sağlamaqdır. Digər mərhələr isə bir bir açılır. Və siz özünüzü kəşf edərək öyrənirsiz. Yəni orada geniş xəyal dünyanız sizə sonsuz təamlarını sərgiləyir. Bu,loru dildə desək maşınız olsun istəyirsiz və o maşındasınız artıq. İnterier dizaynı görünüşü sizə qalmış fantaziyadır. Həmçinin ətraf şəhər. Evlər , oradakı insanlar... Hər şey sizdən asılıdır. Sizin təxəyyülünüzdən və sizin istəklərinizdən. Leonardo Di Caprionun baş rol aldığı , Nolanın əsrarəngiz filmlərindən olan Inception filmi bunun bariz nümunəsidir.
