Salam dəyərli Steemit Azerbaijan ailəsi. Artıq 1 həftədir ki, gəlmişik Lvivə. Burda özümüzə yeni bir səhifə açmağa qərar vermişik. Gəldiyimizdən bəri, rahat yatıb oyanırıq. Beynimizin içinə işləyən direl səsləri, gecə güləşib hay küy salan qonşu səs küyü yoxdur. Bir otaqlı, rahat bir evdə məskunlaşmışıq.
İlk gəldiyimiz gün ailəm bizim üçün veqan qonaqlıq verdilər. Hər şey dörd dördlük idi həqiqətən. Bizim üçün hələ alış-veriş də ediblər ki, ilk günlərdə yeyə biləcəyimiz yeməklər olsun. Uzun müddətdən sonra ailəmlə birlikdə olmaq, məni çox xoşbəxt etdi.
Hava biz yaşayan qəsəbədə yaxşıdır ancaq Lvivin mərkəzində çox soyuqdur. Çıxmışdıq gəzməyə, ailəmizə yeni üzv gəlir onunla tanış olmağa getdik. Söhbət bacımın adaxlısından gedir.
Oturduq söhbət etdik, yaxşı insandır. Olduqca utancaq, mehriban və anlayışlıdır.
Birlikdə veqan məkanlarda olduq və yeni yeməklər yoxladıq. Günümüz gözəl keçdi, ümid edirəm sizin də gününüz gözəl keçər.
