#club100 burnsteem25 The Diary Game. (15/10/2022). Bir ömrə sığmayan gün.

Salam, axşamınız xeyir olsun. Oxusanız da, oxumasanız da, bu gün barədə mütləq yazmalıyam. Çoxdan idi ki, bir proqram düzəltmişdik onunla. Məni seçim qarşısında qoymuşdu. Ya Emin Sabitoğlunun yaradıcılığına həsr olunmuş gecə, ya da Müslüm Maqomayevin musiqilərinə həsr olunmuş gecə. İkinci alınmayacaqdı, çünki həftə arasına düşürdü. Və nəhayət bu gün elə o gün oldu. Əvvəlcə görüşüb Ağ şəhərdə keçirilən kofe festivalına getdik. Orda bir kofe də içdik. Canlı musiqi, xoş aura. Çox gözəl idi.

Kofenin bütün türlərini sevirəm. Burda da türk qəhvəsi içdik. Daha sonra Səkinənin iki rəfiqəsi də bizə qoşuldu. Hava bir az soyuğa yaxın idi. İsti kofe çox yaxşı gəldi. Hardasa bir saata yaxın kofe festivalında zaman keçirdik.

Səkinə ilə hər cəhətdən bizimki tutur. İlk öncə maraqlarımız, yanaşmalarımız, daha sonra boyumuz. Onun yanında 1.75 boyumla özümü ağ qarğa kimi hiss etmirəm.

Kofe festivalından çıxıb Heydər Əliyev adına saraya gəldik. Bu gün mən Səkinənin qonağı idim. Bilet, kofe, hər şey. Bu da məni bir az narahat hiss etdirirdi. Sizə konsertdən danışım.Konsert möhtəşəmdi. Boynuma alıram ki, Azərbaycan musiqisini o qədər də tanımırammış. Bu gün buna bir daha əmin oldum. Konserti bir nəfəsə dinlədim. Azərbaycan musiqisinin bütün korifeyləri burda idi. Həyatda olmayanlar videoları, olanlar da canlı.. Sonda Azər Zeynalov "Şükriyyə" mahnısını canlı ifa etdi. Ayaqda alqışladıq. O qədər məmnun idim ki.

Belə. Bu günü yəqin ki, uzun müddət unutmayacağam. Səkinə ilə bir daha, sonra yenə, daha sonra yenə görüşmək ümidi ilə ayrıldıq. Oxusanız təşəkkürlər.

@gulaybagirzade
25 %to @null