Little women. Bu filmə dünən türkcə baxdıqdan sonra , bir dəfə də ingiliscə baxdım. Əslində ilk çıxanda elə də maraqlanmamışdım, amma önyarğılı olmaq lazım deyilmiş.
Filmin süjeti, aktyorlar, geyimlər, bir sözlə əfsanə idi. Biraz filmin mövzusundan danışım. "Little women", yəni “Kiçik qadınlar” Amerikada müharibə sonrası həyatlarını sürdürməyə çalışan, hər biri öz şərtləri ilə həyatı yaşamağa qərar verən 4 gənc qadının hekayəsidir. Meg, Jo, Beth və Amy – hər biri fərqli xarakterlərə sahibdir. Ataları müharibəyə qatıldıqdan sonra anaları ilə birgə yaşam mücadiləsi verirlər. Bu müddətdə də əsl xoşbəxtliyin sevgi olduğunu anlayırlar.
Film qızların keçmiş və indiki həyatını əks etdirir. Yəni filmdə bəzən keçmişdən, bəzən gələcəkdən epizodlar verilir. Luiza May Alcottun Kiçik qadınlar klassik romanı üzərində çəkilən bu filmin rollarında Emma Watson, Saoirse Ronan, Timothee Chalamet, Florence Pugh və Meryl Streep kimi məşhur aktyorlar yer alır.
Hər birinizə izləməyi məsləhət görürəm,
Mary.