İçimizdəki ilanlar.

Salam. Necəsiniz? Həyat təcrübəm belə bir qənaətə gəlməyimə vəsilə olur ki, həyatda tamamilə müsbət, tamamilə mənfi adam yoxdur. Hər gözəl görünən varlığın bir qaranlıq tərəfi var. Ya da əksinə. Zamanla bu yaxşı və ya pis tərəflər özünü büruzə verir. Dəhşətlisi odur ki, yeganə şüurlu varlıq olan insan ən qorxunc məxluqdur. Nə zəlzələ, nə vulkan, nə daşqınlar, nə uçqunlar insanın yaratdığı təhlükəni yarada bilməz və insan qədər qorxunc deyil.

Bir insanı sonuna qədər kəşf etmək mümkünsüzdür və hər kəsin birmənalı şəkildə olaraq hamıya qapalı olub yalnız özünün girib çıxa biləcəyi bir qırxıncı otağı vardır. Bir də olaylar, yanaşmalar. Olaylar tamamılə yumşaq qəlbli bir insanı yırtıcıya döndərə bilir. Bu günlər sosial şəbəkələri zəbt etmiş orduda qətl hadisəsi. Bir insanın başqa birini öldürməsi. İnanın ki, kimsə kimisə öldürə bilər. Biz olaylara ortadan baxmağa və nəticəni görməyə alışmışıq. Mən səbəblərə baxaram. Tarixdə olan ən qorxunc qatilləri analar yetişdirmiş, tərbiyə etmişdir. Sevgisizlik, dışlama bir normal insandan qatil yarada bilər. İçimizdəki ilanların baş qaldırması çox vaxt özümüzdən asılı olmur.

Yeganə sığına biləcəyimiz nəsnə təbiətdir. Bizdən qarşılıq görmədən doğan günəş, gələn bahar, açan çiçək, gecəmizi süd rənginə boyayan ay. Onları sevin, onlara güvənin, gerisi boş.
@nurengizbagirova