Yolçuluq

Deyirlər e, ağlına gəlməyən başına gəlsin. Bu gün elə bir şey oldu. Deməli qəsəbədən çıxıb rayon mərkəzinə gedirəm deyərkən, özümü indiyədək görmədiyim yerlərdə buldum. Dövlət rəhbərinin Qəbələyə gəlişi ilə əlaqədar yollar bağlanmışdı. Və mən elə hesab edək ki, Qəbələdən Bakıya getmək üçün gedib Gəncəni fırlanıb gedirəm. Azərbaycanda 9 iqlim tipi var deyənlərə gülürdüm. Vallah bir az düz deyirlərmiş. Bizim rayonun aşağı kəndlərində artıq qara tut qaralıb, ağ tut ağarıb. Bizdə hələ izi tozu yoxdu:) Yol boyu şəkillər çəkdim. Bu şəkilləri.

Düzdü maşın gedə gedə çəkdim, o qədər də effektli alınmadı. Məsələn, vaxtilə postsovet məkanında çox nüfuzlu və strateji əhəmiyyətli Qəbələ RLS - in tərk edilmiş binasını çəkmək istədim.

Bina rəsmən vahimə saçır. Qəbələdə çoxlu növdə xəstəlikləri miras qoyub bu RLS. Qəbələdə yeraltı suları özünə çəkməklə dərin köklü ağacların qurumasına səbəb olmağı da isbat olunmuşdu. Kiminin əvvəli, kiminin axırı. Bütün bunlar bir yana, mənim elim, obam çox gözəldi.