Tanrıya həbs. Tanrı olmaq iddiası- Zevs

Yazacağım yazını nə az, nə çox düz beş gündü başımda o tərəfə, bu tərəfə çevirirəm. İnşallah, maşallah, sübhanallah edib başlaya bilmirəm. Yazı yazmaq bir az da vərdişdir, bir balaca əlini soyutsan, sonra başlamaq çətindir.

Son bir həftə idi ki, ölkə gündəmimiz Tanrının həbs olunması xəbəri ilə çalxalanırdı. Qədim Yunan tanrısını tutub basdıq içəri. Vallahi yunanlar bilsəydilər ki, onların Şimşək tanrısı olan Zevsi bizimkilər tutub dama basacaqlar, bir dənə də olsun Tanrı icad etməzdilər.

İndi biz şimşək tanrısına 30 sutka veririksə, görün Paseydona (dəniz allahı) nələr edərdik. Düzü dənizi çoxdan həbs etmişik, hasarlamışıq, amma mövzu o deyil, bəlkə ona aid də nələrsə yazmaq olar, mövzudan mövzu çıxır. Adam bilmir nədən yazsın.

Yunanlarda Tanrı olan Zevs bizim ölkədə Youtuberdir. Ölkədə nə qədər səviyyəsiz mövzuda videolar axtarsaz bu tipin kanalında tapa bilərsiz. Yəni bildiyimiz "qara kurtkalı qaqa obrazı, divijeniya, qız tutmaq, oğru aləminə simpatiya". Hərdən gənc nəslin bu yolu tutmasını qınamıram. Ölkənin ən tanınmış nəşriyyatında (Qanun nəşriyyatı) lotu Rövşən Lənkəraniskiyə aid kitab çap olunursa, Zevsi ən uğurlu gənc hesab etmək olar.

link

Tanrılarının qırılsın ay yunanlar, adam da hər şeydən Tanrı qayırar? Haqq verdiyim tək tanrınız Afrodita idi, onu da Tik-Tok-da şey elədik.

Bizim tanrı olmayan Zevs youtube üzərindən izləyicisi ilə görüşür və kamera qarşısında bunu eşşək sudan qayıdana kimi döyür və sonra görüntüləri kanalında yayımlayır.

baxmayanlar üçün link

Yəqin ki, görüntülərə baxanlar olub. İndi beləsinə nə ad verəsən? Tanrılar hara baxır?
Tanrıdan əziyyət çəkməyən misirlilərə də burdan atəşin salamlar. Zevsi qoduğluğa basmağa nə var e, oğul istəyirəm RA-nı tutsun. RA-nı tuta biləcək oğlan Aydı, o da üç-dörd ildən bir baş verir.

Z nəsli adlandırdımız nəsil çox potensiallı nəsildir, bizim bir ilə gəldiyimiz yolu onlar bir günə gedir. Mühitə adaptasiya sürətli şəkildə baş verir. Amma bu Z nəslindən Zevs kimi tiplər çıxdıqca adam yunanları söyür, tarixinə, mifologiyasına üstsən aşağı baxır. Bəlkə də adını Novruzəli qoyub izləyicisini döysə adamı şey eləməz e, Cəlilin Novruzəlisi də poçtalyonu döymürdü ki? Həmin xalqın nümayəndələri bizik də. Niyə adını Zevs qoyub yunanların tanrılarına toz qondurursan?

Keçənlərdə də qarşıma bir video çıxdı, deyəsən son zəng idi, sinifin uşaqlarını bir-bir səhnəyə dəvət edirdilər, " bu da sinifin lotusu filankəs " deyə xitab etdilər. O da Rəis Hızır Çakırbəyli kimi səhnəyə çıxdı. Bir qaldı "AUE" zad desin.
Tüpürüm Z nəslini bu hala qoymaq istəyənlərin üzünə, məqsədsiz deyil. Məqsədlidir bu iş, təhsilin içnə zad edib, bizim gənc nəsli bu günə qoyduz, vallahi bravo, əhsən, malades.
Ziyalı olub ziyansız bir nəsil yetişdirmək çətin işdir, çox çətin.

Oxuyub, fikrinizi bildirməyi unutmayın. Təşəkkürlər @revan746