Steemit Enagement Challenge ||Season 2, Week 3 || My technology world, ♥️club5050. Mənim köməkçilərim. by @urcah.com

Salam, hər vaxtınız xeyir olsun. Necə varsınız? Bizim evdə də azdan çoxdan texnoloji bir şeylər var. Dedim qoy mən də yazım. Yazmasam, @revan746 bir il qaşqabaq eləyəsidi:).Əvvəlcə onu deyim ki, başda bəyaz əşyalardan tutmuş ən kiçik texnoloji olan mobil telefona qədər hər birinin həyatımızda yeri var. Adam düşünə də bilmir ki, insanlar onlar icad olunmamışdan əvvəl necə yaşayırmış.

Özü də etiraf etməliyik ki, bizi də olduqca tənbəl öyrədiblər. Məsələn paltaryuyan maşın. Ən sevdiyim paltaryuyan maşındı. Çünki, kişilər bilməz qadınların iki sevmədiyi iş var. Biri paltar yumaqdı. Çox ağır işdi və paltaryuyan maşınların ən gözəl özəlliyi ondadı ki, paltarlar artıq sıxılıb demək olar ki, quru şəkildə maşından çıxır.ikinci ağır iş ütü işidi. Ağır da deməyim. Adamın ərindiyi iş. İndiki ütülər çox rahatdı. Xüsusilə də buxar ütüləri.

Texnolojidən danışıb televizordan necə söhbət açmayasan axı. Televizorlar da az müddət ərzində nəhəng bir təkamül keçmişlər. Əvvəlki televizorların kanalını dəyişmək üçün evdən kimisə ikna etmək əməllicə işgəncə idi. Müasir televizorlarda şükürlər olsun ki, belə problem yoxdu. Yalnız pultu divanın ya kreslonun altına salmayıb, itməkdən qorumaq lazımdır. Televizor həm də böyük bir Youtube deməkdi. Çox sevdiyimiz serialın bölümünü qaçırmısınız? Qəm yeməyin, YouTube sağ olsun, bir də televizor. Uyğun olduğunuz vaxtda qoşun, baxın.

Canım noutbukum. İçində bir dünya var. STEEMİT daxil olmaqla bütün dünya bunun içindədi. Ekranına da nahaq yerə pəncərə adı qoymayıblar. Hərə də öz pəncərəsindən baxır bu dünyaya. Həm tələbə, həm müəllim, həm şagird, ümumiyyətlə hamıya lazımdı kompüterlər. Çünki Google adlı bir okean var, hamımıza lazım olan məlumatlar orada var.

Bu da mənim mobil telefonumun ekran şəkli. Gördüyünüz kimi həm saat yazılıb, həm də bu gün mənim atdığım addımların sayı. Həm də ayın tarixi. Ekran şəklini istədiyiniz cür dəyişə bilirsiniz. Çox adam övladlarının, itinin, pişiyinin şəklini qoyur. Mən belə mücərrəd rəsmləri sevirəm. Əvvəllər adamlar iş başlamaq istəyəndə qabaqcadan hava proqnozunu öyrənmək istəyirdilər. Alın sizə hava proqnozu.

Və ya qadınlar bir yemək, şirniyyat bişirmək istəyəndə bir birlərinə xəbər göndərirdilər, ya zəng edirdilər. İndi mobil telefondakı proqramlar sizə istədiyiniz məlimatı verə bilir. Getdiyiniz, əyləndiyiniz, olduğunuz yerdən fotolar çəkib əzizlərinizə atın, WhatsApp durumu qoyub sevmədiklərinizi qıcıqlandırın:)

Müsabiqə postumun sonuncu texnolojisinin adını yazmayacağam. Zəhmət çəkib özünüz tapın adını. Hər evdə var, olmaması mümkün deyil.

Fürsətdən istifadə edib bu yarışa iştirak etmək üçün @revan746 və @cameron99 u dəvət edirəm. Başbilənlərimiz onlardı. Gəlib yazsınlar. Oxuduğunuz üçün təşəkkürlər.