Təsadüflər...

Salam dəyərli Steemit Azerbaijan ailəsi. Necəsiz , kefiniz halınız necədi? Gəlin sizə hər zaman ağlımda olan bir şüarnan steemitə necə gəldiyimi danışım. Lap əvvəldən danışacam ki , nəticə çıxara biləsiniz. İlk postda qısa vurğuladığım kimi steemitə gəlməyimdə mənə dəyərli dostum @aybenizmemmedova köməklik edib. Ama bunun da bir tarixçəsi var indi sizə onu danışacam.

Mən həmişə başıma gələn bütün xoşagəlməz halların mütləq bir yaxşı tərəfinin olacağına inanan biri olmuşam. Deməli biz keçən il birinci kurs idik və dərslərimiz tamamilə onlayn idi. Universitet dərsləri haqqında heç bir fikrim yox idi. Nəysə dərslər onlayn başladı amma "möhtəşəm" teams proqramında problem olduğu üçün qrupun çox hissəsi 2 həftəlik dərslərdə iştirak edə bilmirdi. İlk ildi heç kimi tanımırsan və dərslər gedir qoşula bilmirsən. Düşündünüz? Nə edim necə edim deyə deyə birdə gördüm ki, mənə dərslərdə ancaq Aybəniz kömək edir. İlk tanışlığımız olduğuna baxmayaraq anlaşa bilirdik. Vurğulamaq istədiyim problem burda idi əslində. Tələbəsən dərslərə qoşula bilmirsən, dərslər bağlı heç bir fikrin yoxdu, geri qalırsan dərslərdən. Biri daha var idi ilk dəfə tanıdığın birinə əlavə olaraq narahatçılıq yaradırsan hissi bir tərəfdən sıxırdı məni. Problem çox da abartılacaq olmaya bilər ama nəticəni sonda deyəcəm. Aybəniz sağolsun hər gün dərslərdən sonra yorulmadan kömək edirdi. Beləcə 2 həftə sonra mən də dərslərə qatıldım. Ama yenə köməyə ehtiyac olurdu. Uzun sözün qısası çətin də olsa beləcə 1ci semestri bitirdik. Artıq 2ci semestrda narhat etmədim. Beləcə güc bəlaynan 1ci kursu bitirdik. 1ci kursun sonunda Aybəniz qrupunu dəyişdi. Bu tamam başqa bir mövzudu deyə bura qatmaq istəmirəm. Beləcə əlaqələrimiz kəsildi. Ama çox köməyi dəydiyi üçün unuda bilməzdim təbii ki. Bir müddət sonra təşəkkürümü bildirmək və dərslərinin necə getdiyini maraqlanmaq üçün yazdım. Beləcə aydın oldu ki, bizim qruplarımız ayrılsa da getdiyimiz yol eyniləşibmiş.

Bunu da mütləq qeyd edim ki sizə 1 il ərzində baş verən hadisələri yazıram və hələ Aybənizlə tanışlığım yoxdu. Nəysə qayıdım başa. Əvvəldə dediyim həmin o xoşagəlməz halın yaxşı tərəfi nə oldu? O oldu ki Aybəniz kimi gözəl bir dostu yenidən kəşf etdim.
_Nəticəsi də o oldu ki indi steemitdəyəm öz həyatımda baş verən hadisələri sizinlə bölüşürəm Burda böyük bir problem yoxdur deyə bilərsiz. Ama mən həmişə nə isə bir hikməti var şüarı ilə yaşıyram. Belə olan halda sizi heç kim heç bir səbəblə ruhdan sala bilməz. Çünki siz mütləq bir yaxşısını tapacaqsız...
Həyat gözəl insanlarla doludur, onları axdarmıyın... ardı növbəti paylaşımda olacaq😉.
Oxuduğunuz üçün təşəkkür edirəm. Növbəti postda görüşənədək.🙂