2021-in sonları..Qısa özət........ İlin yekunu🐛

Axşamınız xeyir.( bu postu səhvim ucbatında yenidən paylaşmalı oldum.) Necəsiniz? 🖐 Artıq deyirəm 2022-ci ilin ilk günlərini yaşayırıq. Ruhən hələdə 2019 -da qalsam da 2022-dəm bir az da olsa ümidliyəm. 2021-ci il karantinlə əlaqədar bütün dünya olaraq çox çətin bir il oldu. Karantində olduğumuz zaman bir çox insanın planları alt-üst oldu, bir çox insan canından, sağlığından oldu. Bununla yanaşı karantində olduğumuz zaman bizə bir çox şeyi öyrətdi. Hər anımızın dəyərini bilməyi, boş keçrməməyi , kitab oxumağı,idmanla məşğul olmağı, yeni dillər öyrənməyə vərdiş etməyi və məncə ən əsası da kənarda hər zaman bir miqdar pulunuzun olmasını.

()

Mənim üçündə 2021 dolu- dolu keçən bir il oldu. Bu ilə fərqli başladım. Yorğun, həyacanlı, daha məsuliyyətli və yuxusuz bir ana olaraq. Yəqin ki, yeni ana olanlar anlayar məni. Birlikdə ağladıq birlikdə güldük və birlikdə böyüyürük. Mənim ailəm Yevlaxda yaşadıqları üçün mən artıq Bakı - Yevlax yolunu su yoluna döndərdiyim bir il idi. Çünki nəvələrini görmək istəyən nənələr və babalar arasında qalmışam. Bu səfərlər il sonuna kimi davam etdi.
Bir tərəfdən bu il karantinin bitməsi ilə 3 yaxın dostumun və qohumların toyları , ad günləri qonaqlıqlar özəl günlər deyərkən əyləncəli bir il oldu. Bir tərəfdən sağlıq problemləri və şəxsi problemlərlə vuruşa- vuruşa ili yekunlaşdırdıq. Hər günümüzə şükür. Sağıq və hələdə nəfəs alırıq. 2022-dən tək diləyim artıq bu viruslu günlərimizi yekunlaşdığı, sağlıqlı və xəyallarımızı gerçəkləşdirdiyimiz il olsun.