පාපොච්චාරණය | 5% to SL-Charity

පාපොච්චාරණයක් නඩුවකට අදාළ වෙන හැටි ගැන ගැන ඉගෙනගෙන තියෙනව. පාපොච්චාරණ කරනව දැකල තියෙනව. ඒත් පාපොච්චාරණයක් අහල ඇඬුවෙ නම් අදමයි..

විවාහයක් දෙදරල ගියාම ගොඩක් වෙලාවට අසරණ වෙන්නෙ කාන්තාවො. අපි ළඟට එන දික්කසාද නඩු නඩත්තු නඩු ගැන මං කලිනුත් දවසක් කිව්ව. එහෙම එන හුඟක් නඩු වල අහිංසක පාර්ශ්වය කාන්තාවො. කාන්තාවො අත්විඳින කරදර දුක්ගැහැට අහන අපිටත් ඒ පිරිමිය ගැන තරහක් එන්නෙ ඉබේමයි.

ඒත් ඒකෙ අනිත් පැත්ත වෙන අවස්තාත් තියෙනව. ඒ කියන්නෙ කාන්තාවො අනියම් සම්බන්ධතාවක් ඇතිකරගෙන තමන්ගෙ ස්වාමිය විතරක් නෙවෙයි ඇතැම් විට දරුමල්ලො පවා අතහැරල සුරසැප හොයාගෙන යන අවස්තා නැතුවාම නෙවෙයි..

මේක ඇත්තටම මිනීමැරුමක්.. මිනීමරුව නම් මේ වෙනකොට ඉන්නෙ පොලිස් අත් අත්අඩංගුවෙ.. ඔහු ඝාතනය කරල තියෙන්නෙ තමන්ගෙම බිරිඳව. ඒ කොහොමද කියල ඇහුවොත් ඔබ කම්පනයට පත්වෙයි. ඒ නිසා මං නොකිය ඉන්නම්. කොහොමහරි පොලිසිය ඇත්ත දැනගන්න මේ පුද්ගලයට පහර දෙද්දි ඔහු ඇත්ත වමාරනව.

Source

ඇත්තටම ඔහු බිරිඳව හොර රහසේ කැන්දාගෙන ආවට පස්සෙ ඇයට බොහොම හොඳින් ආදරයෙන් සලකනව.. මේ පුංචි පවුල ලස්සන කරන්න පුංචි පැටියෙක් ලැබෙන්න ඉද්දි බිරිඳව ඇස් දෙක වගේ බලාගන්නව. අලුත ඉපදුණු පුංචි පුතා ගැන මේ තාත්තට තියෙන්නෙ දරාගන්න බැරි දාරක ස්නේහයක්. ඉතින් පවුලක් ලස්සන වෙන්න තව මොනවද අඩු?

ඒත් එක අඳුරු දවසක් එනව.. මෙච්චර ලස්සනට තිබුණු පවුල දෙකඩ වෙනව. තාත්ත ගෙදර එනකොට හිටියෙ කිරිසප්පය විතරයි.. බිරිඳ ගිහින්.. හිතක් පපුවක් නැති විදිහට මේ දෙන්නව දාල ගිහින්.. තාත්ත හැමදේම දරාගෙන පැටියව ලොකු කරන්න තමන්ට පුලුවන් දේ කරනව..

එහෙනම් මේ පුද්ගලයට තමන්ගෙ බිරිඳව ඝාතනය කරන්න තරම් දරුණු කේන්තියක් ආවෙ ඇයි?

ඔබ ඒක අහල බලන්න..