කේක් වාසිය..

පිස්සු කන්නගෙ අම්මයි මායි දෙන්නම කේක් හදන්න මුලින්ම ඉගෙනගත්තෙ විශ්වගෙ අම්මගෙන්. මං තාම බටර් කේක් එකයි චොකලට් කේක් එකයි හද හදා හිටියට අක්ක එතනින් නැවතුණේ නෑ.

කොරෝනා කාලෙ රට වැහුවම අක්කා ඔන්ලයින් කේක් පන්තියකට සම්බන්ධ උනා. චූටි බබා ඉන්න නිසා එයාට ඉස්කෝලෙ නිවාඩු තිබුණට චූටිගෙ වැඩ එක්ක එයාට කේක් පන්තියෙ වැඩ වලට වෙලාව හම්බුණේ හරිම අඩුවෙන්. හැබැයි එයා අතඇරියෙ නෑ.. මහ රෑට හරි කේක් ටික හැදුව.

අක්කගෙ කේක් කෝස් එකෙන් මටත් ලොකු චාන්ස් එකක් ආව. ඒ හැමදාම එක එක වර්ගෙ කේක් කන්න. ගෙදර කට්ටිය වැඩිය පැණිරස කන අය නෙමෙයි. ඉතින් මං තමයි උදව්වක් වශයෙන් කේක් එක අපතේ යන්න නොදී කාල ඉවර කරන්නෙ.

දැන් කෝර්ස් එක ඉවරයි. අක්කට ඉස්කෝලෙ චීචර්ස්ලගෙන් ඕඩර්ස් දෙකකුත් ආව. ඒ දෙකත් ලස්සනට හදල තිබුණ. ෆොටෝ නම් මං ළඟ නෑ. එයා කියන්නෙ එක අවස්ථාවක් මගඇරුණොත් නෑ බෑ නොකිය වෙන විකල්පෙකට යන්න ඕනිලු. ඇත්ත තමයි.