මොනවද අද කන්නේ ?

සෑහෙන කාලෙකින් කෑමක් ගැන කතා කරන්නයි යන්නෙ. අපි අද හදන්න යන්නෙ nasi goreng. එක පාරක් හදල හොද ප්‍රතිචාර ලැබුන නිසා අදත් හදන්න කල්පනා කරා. අද විශේශයෙන්ම මේක හදාන්න තීරනේ කරේ විශේශ අමුත්තෙක් ආපු නිසා.ඉතින් අපි බලමු මොනවද මේකට ඕන දේවල් කියලා.

පොඩියට කපාගත්ත චිකන්
කපාගත්ත සොසේජස්
තියෙනවනම් ඉස්සොත් ගන්න.අපිටත් නෑ ඉතින්
බාස්මතී හෝ සම්බා හාල්
චිලිපේස්ට් (ගෙදර හදාගත්ත එකක් හෝ කඩෙන් ගත්ත එකක් )
කොටුවට කපාගත්තු කැරට් සහ ලූනු.
මාලුමිරිස් , ලීක්ස්
සෝයා සෝස්,තක්කාලි සෝස්,සීනි
තලාගත්ත ඉගුරු සුදුලූනු.
බිත්තර දෙකක්

මුලින්ම සාමාන්‍ය විදිහට බත් එක තම්බගන්න. ඒක තැම්බෙන අතරෙ බත් එකට ඕන සෝස් එක හදාගමු.බෝව්ල් එකකට සෝයා සෝස් මේස හැදි තුනක් (මේ දෙන්නෙක්ට ), සීනි තේ හැදි එකහමාරක් , චිලිපේස්ට් මේස හැදි දෙකක් (ඔයාලගෙ සැර අනුව) එකතු කරලා ඒකට තලාගත්ත ඉගුරු සුදුලූනු වලින් ටිකක් අතර අරන් ඒකෙ ඉස්ම මිරිකරල දාගන්න.දැන් අපි එකතු කරපු සීනි හොදින් දියවෙනකන් කවලම් කරගන්න. ඊලගට චිකන් එක මැරිනේට් කරගමු. ඒකට චිකන් එකට සෝයා සෝස් මේස හැදි තුනක් ,ලුනු රස අනුව, ඉගුරු සුදුලූනු ඉස්ම ටිකක් එකතු කරලා හොදින් අතගාගන්න. ඒ කරලා විනාඩි පහලවක් විතර වහලා පැත්තකින් තියාගන්න. චිකන් ටික මැරිනේට් උනාට පස්සෙ කෙලින්ම තෙලේ බදින්නත් පුලුවන්.ඒත් අපි කරේ මුලින් තම්බලා පස්සෙ තෙලේ බැදපු එක.එතකොට කෑලි අමු වෙයි කියල බයක් නෑ.බඩේ අමාරුත් නෑ. ඔන්න ඉතින් චිකන් එකත් බැදගත්තට පස්සෙ අපිට තියෙන්නෙ බත් එකට ඕන එලවලු ටික හදාගන්න.

මුලින්ම තාච්චියට තෙල් ටිකක් දාලා ඒක රත් වෙද්දි ඉගුරු සුදු ලූනු ටිකක් ඒකට එකතුකරගන්න .ඊට පස්සේ කපාගත්තු කැරට් එකතු කරගන්න.ඊලගට අනිත් එලවලුත් එකතු කරගෙන රස අනුව ලුනු ටිකකුත් දාගන්න.දැන් හොදට කලවම් කරලා බිත්තර දෙකකුත් කඩලා එකතු කරගන්න. චිකන් ටිකත් දාගන්න.. දැන් ඒ ටික හොදට තෙම්පරාදු වෙද්දි ලිපේ ගින්දර අඩු කරලා අපි කලින් හදාගත්ත සෝස් එක එකතු කරලා කවලම් කරන්න.ඒ එක්කම බත් එකත් එකතු කරගන්න. බත් එකතු කරගන්න කලින් හොදට කූරු ගාල ගන්න . දැන් හොදට එලවලු එක්ක බත් කවලම් කරන්න. කවලම් කරන ගමන් තව චිලිපේස්ට් මේස හැදි දෙක තුනක් දාගන්න .එතකොට හොද පාටට එනවා. ඒකට අපේ සොසේජස් ටිකත් දාගත්තට පස්ස් වැඩේ ඉවරයි. ඊලගට බිත්තර බුල්සයි එකකුත් දාගන්න. දැන් ඉතින් කන්න තමයි තියෙන්නෙ.