සරුංගලේ සිනමා නිර්මාණය ප්‍රවීන රංගවේදී ගාමිණී ෆොන්සේකාගේ අදහසකට අනුව ධර්මසේන ගමගේ කලාකරුවාගේ තිර රචනයෙන් බිහිවූ කලා නිර්මාණයක්. සරුංගලේ සිනමා නිර්මාණය ගාමිනී ෆොන්සේකා රංගනයෙන් දායක වන නඩරාජාගේ චරිතය මුල් කරගනිමින් වාර්ගික ගැටුමෙන් සුණුවිසුනු වුණ ජීවිත සහ දේපළ ගැන විමසීමක් කරන හරි අපූරු නිර්මාණයක්.
මැදිවියේ පසුවන නඩරාජා රජයේ ලිපිකරුවෙක්. ඔහු නගරයේ අඩු ආදායම් ලාභීන් වාසය කරන මුඩුක්කු බහුල ප්‍රදේශයක තියෙන එක කුඩා නිවසක තනිවම ජීවත් වෙනවා. මේ නිවස අසල තවත් නිවසක් තියෙනවා. ඒ නිවසේ කසිප්පු විකිනීම ජීවිකාව කරගත්ත සයිමන්, ඔහුගේ බිරිඳ සෝමා සහ කුඩා දියණිය වසන්තා ජීවත් වෙනවා. නඩරාජා සහ සයිමන් කියන මේ දෙන්නම ජාතිභේද සලකන්නේ නෑ. එහෙත් නඩරාජා උග්‍ර කුලවාදියෙක්. සයිමන් හිත හොද මිනිසෙක්. ඔහුගේ දියනිය වසන්තා නඩරාජාට ගොඩක් හිතවත්. ඔහු ඇයට රසකැවිලි පවා ගෙනල්ලා දෙනවා. එක දවසක් ඇය නඩරාජාගෙන් සරුංගලයක් ඉල්ලනවා. ඒ ඔස්සේ ඔහුගේ සිත අතීතයට දිව යනවා. ඒ අතීතයේ පෙන්වන්නේ 1930 දශකය විය හැකි බව අපට සිතන්න පුලුවන්.
තරුණ නඩරාජා තම එකම නැගනිය වන තංගමනී සහ අත්තම්මා එක්ක යාපනයේ ජීවත් වෙනවා. ඔවුන් ගොඩක් සතුටින් ජීවත් වුණා. නඩරාජාට කරුණාරත්න කියලා කාර්යාලයේ මිතුරෙක් ඉන්නවා. කරුණාරත්නගේ දියණිය වන සුසිලා තංගමනීගේ මිතුරියෙක්. කරුණාරත්න තම දියණිය නඩරාජාට විවාහ කර දීමට කැමැති වුනත් තම බිරිඳගේ අකමැත්ත නිසා එයට එකඟ නොවේ.පසුව කරුණාරත්න පවුල ද යාපනය හැර යනවා.
එක දවසක් තංගමනී වැවේ නාද්දී දියවැලකට අහුවෙනවා. එහිදී ඇයව රාසන් නම් කුලහීන දමිළ තරුණයෙක් බේරගන්නවා. රාසන් සහ තංගමනී අතර ප්‍රේමයක් හටගන්නවා. රාසන් කුලහීනයෙක් නිසා නඩරාජා ඒකට කැමති නෑ. කෙසේ වෙතත් මේ සම්බන්ධය නිසා තංගමනී ගැබ්ගන්නවා. ඉන් දින කිහිපයකට පසු ඇයගේ මළ සිරුර නඩරාජාට ගෙවත්තේ ආඩි ළිඳෙන් හමුවෙනවා. සුසිලා තංගමණිට් අහිමි වූ නාද රජා දැඩි කලකිරීමකින් යුතුව යාපනය හැරදමා ඇවිල්ලා පදිංචි වෙන්නේ සයිමන්ගේ නිවස අසල.
නඩරාජා නගරයට පැමිණ දශක දෙකකට පමණ පසුව වාර්ගික ගැටුම් උත්සන්න වෙනවා. ජාතිවාදයට විරුද්ධ ඔහු ඊට එරෙහිව උණුසුම් මත ප්‍රකාශ කරනවා . මේ නිසා නඩරාජාට සිංහලයන්ගෙන් එල්ල වන පීඩනයට එරෙහිව සයිමන් නැගී සිටිනවා. සයිමන්ට බිය පත්ත කුපිතව සිටි සිංහලයෝ පසුබානවා . නගරය පුරා කලකෝලාහල පැතිරෙද්දී තම ජීවිත ආරක්ෂාව පතා නිවසේම රැඳී සිටින ලෙස සයිමන් නඩරාජයාට උපදෙස් දෙනවා. එය නොඅසන නාඩ රාජා නිවසින් පැන නගරයට පැමිණෙනවා. ඔහු ජාතිවාදීන්ට හසු වී ඉතා දුක්ඛිත ලෙස පහර කා මිය යනවා. සරුංගලයේ චිත්‍රපටය අවසන් වෙන්නේ මේ විදිහට. ඉතින් තවත් චිත්‍රපටියකින් අපි ආයෙත් හම්බවෙමු.