ඔයාගෙ ආසම පොත මොකක්ද?

source

ඔයා ආසම පොත මොකක්ද?. එදත් අදත් හෙටත් ආසම පොතක් තියෙනවද?. මටනම් තියෙනව. පොත් කියවන පුරුද්ද ඇති උනේ මට මතක විදිහට 8 වසරෙදි විතර. අම්මා අපිව එක්කන් ගියා අපේ පැත්තෙ තියෙන මහජන පුස්තකාලෙට. ඒ ගිහින් ඒකෙ සාමාජිකත්වෙ අරන් දුන්නා. මන් පොඩි නිසා මාව දැම්මෙ ලමා අංශෙට ට. අක්කව දැම්ම වැඩිහිටි එකට. ඉතින් පොඩි අයගෙ පොත් තියෙන කොටස මට සෙට් උනේම නෑ. කියවන්න පුලුවන් ඔක්කොම පොත් ඒ වෙද්දි කියවල ඉවරයි. අනික එක පොතයි එයාල බැහැර දෙන්නෙ. පස්සෙ කොහොම හරි එයාලට කියල වැඩිහිටි කොටසට රින්ගගත්ත. අම්මෝ එතන නෙ පොත් තියෙන්නෙ. ඉතින් අන්න එතනින් තමයි මම ආසම පොත උන ශර්ලොක් හෝම්ස් පොත හම්බෙන්නෙ. ආතර් කොනන්ඩොයිල් මහත්තය තමයි ඒකෙ රචකයා වෙන්නෙ. ඉතින් ඒ පොත විවිද කට්ටිය සිංහලට පරිවර්තනය කරල තිබ්බත් මට ආස හිතුනෙ චන්දන මෙන්ඩිස් මහත්මයගෙ පරිවර්තනය තමයි. ඒ වෙද්දි ශර්ලොක් හෝම්ස් පොත් සීරීස් එකක් තියෙනව කියලවත් මම දැනන් හිටියි නෑ. කොහොම කොහොම හරි ශර්ලොක්ගෙ පොත් කියවන්න දරුනු විදිහට ඇබ්බැහි උනා.

source

පස්සෙ කාලෙක කොලබ පොත් ප්‍රදර්ශනේට ගියත් මුලින්ම හොයන්නෙ හෝම්ස්ගෙ අලුත්ම පොත. ඉතින් ඒක හම්බුනාම ආයෙ වෙන මුකුත් නෑ. වැඩියෙන්ම පොත් කියවන්න ඇබ්බැහි වෙලා හිටියෙ ෆෝන් එකක් ,ලැප් එකක් නැති කාලෙ. චන්දන මෙන්ඩිස් පරිවර්තනය කරපු අලුත් ශර්ලොක් හෝම්ස් පොත් කියවද්දි පරන ඒවත් එක්ක ලොකු වෙනසක් තේරෙන්න ගත්තා. ඒ කියන්නෙ කලින් තිබ්බ කුතුහලේ තියාගන්න අලුත් පොත් වලින් බැරි වෙලා වගේ එකක්. ඒත් එහෙම වෙන්නෙ කොහොමද. මෙන්ඩිස් පරිවර්තනය කරන්නෙ ආතර් කොනන් ඩොයිල් ලියපු පොත්නම්? එහෙම හිතද්දි හිතෙන දෙයක් තමයි චන්දන මෙන්ඩිස්ම මේ අලුත් කතා ලියනවද කියන එක. ඒ කියන්නෙ ආතර් කොනන් ඩොයිල් ලියපු පොත් ඉවර වෙලා කියන එක.

source

ඒ කොහොම කොහොම උනත් මේ වෙද්දි හෝම්ස් ගේ සිංහලට පරිවර්තනය උන ඔක්කොම පොත් ටික මම කියවල තියෙනවා. ඒ වගේම ශර්ලොක් ටීවී සීරීස් එකත්, ශර්ලොක් හෝම්ස් ෆිල්ම්ස් ටිකත් එනෝලා හෝම්ස් ෆිල්ම් එකත් මේ වෙද්දි බලල තියෙනවා. පොත් කියවන එක ගොඩක්ම් ඈත් උනේ ෆෝන් එකක් ගත්තට පස්සෙ.කොයි වෙලෙත් ගනුදෙනු කරන්නෙ ඒකත් එක්ක නිසා අපි හැමෝම වගේ පොතක් කියවන පුරුද්දෙන් ගොඩක් ඈත් වෙලා. ඉතින් විශේශයෙන්ම කියන්ට ඕනි ශර්ලොක් හෝම්ස්ට ආස කරන තව කෙනෙක් ඉන්නව. ඒ තමයි මගෙ යාලුවා @damindu. අපි කොච්චර ඒ චරිතෙට ආස කරාද කියනවනම් සල්ලි දාලා අත් කාච දෙකකුත් අරගත්තා. කිසි වැඩක් ගත්තෙනම් නෑ ඒකෙන්.විසදපු අභිරහසකුත් නෑ. ඒ කාලෙ ඉතින් අලුත් පොතක් ගැන දැනගත්තම කොහෙන් හරි පොත හොයාගන්න තමයි ට්‍රයි එක . කොලබ පොත් ප්‍රදර්ශනයට ගියාම අලුත් පොත් හොයන් තමයි ගෙදර එන්නෙ. ඉතින් ඔන්න ඔහොමයි මගේ ආසම පොතේ කතාව.