Long Weekend | Part 01

ඉතින් දීර්ඝ සති අන්ත නිවාඩුව එහෙම කෝමද .ට්‍රිප් එහෙම ගියාද. දැන් සැපද ...

මීට සති කීපෙකට කලින් අපි ප්ලෑන් කරා ඉස්සරහට එන දීර්ග සති අන්ත නිවාඩුවේ ට්‍රිප් එකක් යන්න. අපේ පවුලෙ හතර දෙනා සහ හරිත් අයියලගෙ පවුලෙ පස් දෙනා තමයි ට්‍රිප් එකට සහබාවි වෙන්නෙ. මුල ඉදන්ම තිබ්බ ප්‍රශ්නෙ තමයි අපි යන්නෙ අපේ පෞද්ගලික් වාහන වලද එහෙමත් නැත්තන්ම් වෙනම වාහනයක් හයර් කරන්ද කියලා. ඉතින් අපේ වාහන වල යද්දි ඇත්තටම ලොකු ස්ට්‍රෙස් එකක් එනව කියල මීට කලින් ගමන් වලින් අපි තේරුන් අරන් හිටියෙ. ඒ නිසාම අපි හොද වෑන් එකක් හයර් එකට ගන්න ගොඩක් මහන්සි උනා. එත් සති අන්ත නිවාඩුවට හැම වාහනයක්ම වගේ බුක් වෙලා තිබුනෙ. ඉතින් මේ වෙලාවෙ මතක් කරන්න ඕන කලන අයිය සහ රෝශනී අක්ක. ඒ දෙන්න ගොඩක් උනන්දු උනා මේ ගමන්ට අපිට වාහනයක් හොයල දෙන්න. ඒත් අපෙ බලාපොරොත්තු සුන් වෙන් තරමට අපිට වාහනයක් හොයාගන්න ලැබුන් නෑ. ඒත් ඒ අතරෙ රෝශනී අක්ක එක වාහනයක් ගැන ආරන්චියක් දීල් තිබ්බ. ඉතින් මම ඒ නම්බර් එකට කෝල් කරල වැඩක් නෑ ඒකත් බුක් වෙලා ඇති කියිල හිටිය.ඒත් මට එක පාරම හිතුනා කමක් නෑ ඔන්න ඔහේ අරන් බලනව කියල. ඉතින් අහම්බෙන් වගේ ඒ වෑන් එකේ අයිතිකාරයා ට්‍රිප් එකට කැමති උනා. අපිට ඉතින් මාර සතුටුයි.

ඉතින් මම කිව්වෙ නෑනෙ අපි කොහේද ගියේ කියල. අපි ගියේ කතරගම. ඉතින් කෙලින්ම කතරගම යනව වෙනුවට එක එක තැන් බලාගෙනම යන්න තමයි අපිට ඕන කරේ. අපි මුලින්ම ගියේ පන්සලට. විශාල බුදු පිලිමයක්, බූගත බුද්ද මන්දිරයක් එහෙම තියෙන මේ පන්සල හරිම ලස්සනයි. ඉතින් උදේම අපි ඒ පන්සල වැදල ආයෙ පිටත් උනා හම්බන්තොට කුරුලු උයන බලන්න. අපි හයිවේ එකට දාන්න කලින් උදේ කෑම ගත්තා. සැන්ඩ්විච් පාන් ,කඩල සල ප්ලේන්ටි තමයි අපේ උදේ ආහාර වේල.කෑම ගන්න අතරතුර එතන ඉදපු බව්ව යාලුවන්ටත් කෑම දෙන්න අපි අමත්ක කරේ නෑ.

ඉතින් ටිකෙන් ටික පාර හොයාගෙන අපි හම්බන්තොට කුරුලු උයනට ලගා උනා. එතනට යනකොටම දකින්න පුලුවන් ලොකූ පැස්බරාල එහෙම නිදහසෙ තම්න්ගෙ කූඩු වල ඉන්නව. රුපියල් 500 ක් දීල ටිකට් එකකුත් අරගෙන අපි කට්ටිය කුරුලු උයන බලන්න පටන් ගත්තා. හරිම ලස්සනට පිලිවෙලට මුලු උයනම නඩත්තු කරනව කියල බැලූ බැල්මටම තේරුනා. ලස්සනට තනකොල වවල, වතුර බුබුලු එහෙම හදල තිබුනා. අපි ඉතින් නිදහසේ කූඩු වල ඉදපු කුරුල්ලො බලන්න පටන් ගත්තා. අපි නිදහසෙ ඉන් කූඩු වල. අන්න එතනදි හිතට පොඩි දුකකුත් ආවා. කොහොම හරි එක එක රටවල එක එක වර්ග වල කුරුල්ලො දහාස් ගානක් මේ පාර්ක් එකේ හිටියා. කොහොම හරි පැය දෙකක් විතරම අපි පාක් එකේ ඇවිද්දා. ඊට පස්සෙ අපි ආයෙ අපෙ වෑන් එක ලගටම ආවා.

අදට මම මෙතනින් නතර කරනවා.ඊලග පෝස්ට් එකෙන් අපි ඊලගට මොකද කරේ කියල කියන්නම්.