දුවගේ චිත්‍රය-කවියට එහා දෙයක්(2)

_source

යාලුවනේ ඔයාලා හැමෝම පරිස්සමෙන් ඇති කියලා හිතනවා.ඉතින් අපේ රටේ මිනිස්සු මේ දවස්වල ගංවතුර නිසා සෑහෙන්න ආපදාවට පත්වෙලා ඉන්නේ.අවාසනාවන්ත ලෙස ජීවිත හානිත් විස්සකට වැඩියෙන් මේ පාර අහන්න සිද්ධ වුණා.ඉතින් මිනිස්සුන්ගෙ නොසැලකිලිමත්කම නිසාත් ජීවිත හානි සිදුවෙලා තිබුණා. ඉතින් අවදානම් ප්‍රදේශවල ඉන්නවනම් ඔයාලත් පරිස්සමෙන් වගේම සැලකිල්ලෙන් ඉන්න.හරි අපි යමු අද article එකට.අද ලියන්න යන්නෙත් මට හොඳටම දැනුණු මම කියවපු ලස්සනම කවි වලින් එකක් ගැන.ඒ තමයි ඉලක්ෂ ජයවර්ධන විසින් රචිත "දුවගේ චිත්‍රය" කවිය.මම මේ කවියට කොච්චර ආසද කියනවනම් මේ කවිය නිසා මොහු විසින් රචනා කරන ලද "කඩා වැටෙනා තරුවක්" කියන පොතත් මම oder කරා.ඇත්තටම ඉලක්ෂ ලියපු ලස්සන තවත් කවි තියෙනවා තියෙනවා. ඒත් මගේ හිතට වැඩියෙන්ම දැනුනෙ මෙ කවිය.මුලින්ම කවියා ගැන පොඩි හැඳින්වීමක් කරලා ඉන්නම්.ඉලක්ෂ ජයවර්ධන කියන්නේ රැකියාවෙන් පොලිස් නිලධාරියෙක් ඒ වගේම ඔහු තරුණ කවියෙක්.ඔහු තරුණ වුණාට ඔහුගේ වචන නම් හරි ගැඹුරුයි ඒ වගේම පරිණතයි.අනික ඉලක්ශගෙ කවිවල තියෙන විශේෂත්වයත් තමයි කවියේ ගැඹුරුම අර්ථය එන්නේ අන්තිම කවි පේළි වන විටයි.සමහර විට කවියෙ මුල් පද පේළි වලින් නොතේරෙන වෙනමම අර්ථයක් අන්තිම වෙද්දි කවියට ගෙනත් දෙන්න එය සමත් වෙනවා.

අහසකට ලස්සනම ගෑවමයි දම් පාට
හඳත් අයිනෙන් අඳිමු එය නැතුව බැ රෑට
දුවේ නුඹ දන්නවද දුරයි හඳ හාවාට
ඒනිසා ඕන නැහැ අඳින්නට ආවාට

චිත්‍රයක අඳිද්දි එක ලඟින් ඇන්දාට
අහස සයුරට දුරයි බර වැඩියි මගේ දූට
ගඟනතේ මායිමේ නුඹ ඇන්ද වවුලාට
ලඟින් තවකෙක් අඳිමු තනිය හොඳ නෑ ඌට