චපල ජල තලා Frequently Changing Water Surface

දසත එළි කරන් නුවර වැව මතින් ඉර එබේ
ජල තලා උදා රැස් කැළුම් අරන් දිලිහෙතේ
ඈත පව්වකින් අඹතලා වෙහෙරෙ රුව දිසේ
මෑත තුරු මතින් රාව දී සියොත් පියඹතේ

කුරුල්ලනි තොපත් අරුණළු ද රැගෙන ඉගිලිලා
අප සේම දිවි රැක ගන්නව ද වෙහෙසිලා
එන තුරා සිඟිති පැටවුනුත් ඇතී මුව අයා
අපෙ පැටව් සේම දොරකඩට වී මග බලා

අඳුර හෙමි හෙමින් ගණදුරක් වෙමින් පැතිරිලා
ඇසල සඳ දිලෙයි රන් සළුවකින් සැරසිලා
ලහිරු කැන් දහර තුරුළු කර සිම්බ ජල තලා
වෙලෙන'යුරු බලන් සඳ කැළුම් සමඟ මුහු වෙලා

---- චාම් -----

නුවර වැව, අනුරාධපුර

නුවර වැව් කණ්ඩිය මතින් දිවෙන ඇවිදින මංතීරුවේ සිට මිහින්තලේ අම්බස්තල චෛත්‍යය