මේ අවුරුද්දේ වෙසක් ☸️

හැමෝම හොදින් ඉන්නවා කියලා හිතනවා මම. ඊයේ දවස බෞද්ධ අපි හැමෝටම හුගාක් විශේෂ දවසක්. ඒ පින්බර වෙසක් පොහෝ දිනය යෙදි තිබුනේ ඊයේ දිනයේ නිසාවෙන්. බෞද්ධ ජනතාව සමරන ආගමික උත්සව අතරින් වෙසක් පොහෝ දිනයට හිමිවන්නේ ප්‍රමුඛස්ථානයක්. මක්නිසාදයත් ඉදිනට බෞද්ධ ජනතාව බුදුරජාණන් වහන්සේගේ තෙමගුල සමරනු ලබනවා. ඒ ඉපදීම, බුදුවීම සහ පිරිනිවන් පෑමයි. බුදුරජාණන් වහන්සේගේ තෙමගුලට අමතරව, වෙසක් පොහෝ දිනයේ තවත් විශේෂ සිදුදීම් කිහිපයක්ම සිදු වී තිබෙනවා. ඒවා තමයි, බුදුරජාණන් වහන්සේගේ තෙවන ලංකාගමනය සිදුවීම, ආනන්ද හිමියන් පිරිනිවන් පෑම, යමාමහ පෙළහර පෑම, සුමේධ තාපසයා දීපංකර බුදුරජාණන් වහන්සේගෙන් නියත විවරණ ලෑබිම වැනි වැදගත් සිදුවීම් රාශියක් වෙසක් පොහෝදිනයේ සිදු වී තිබෙනවා.

ඉතිං එතරම් වැදගත් වෙසක් පොහෝදිනය දැනට අවුරුදු 03කින් විතර හරියට අපිට සමරන්න උනේ නෑ. මොකද 2019 සිදුවුණු බෝම්බ ප්‍රහාරය නිසා පන්සල් වලට මිනිස්සුන්ට යන්න උනේ නෑ. මිනිස්සු බයෙන් හිටියේ පන්සල් වලටත් බොම්බ ගහයි කියලා. කොහොම හරි ඒ ප්‍රශ්නෙත් ටික ටික හරි යනකොට 2020 දී කොවිඩ් ප්‍රශ්න ආවා. කොවිඩ් නිසා 2020 සහ 2021 අවුරුදු දෙකෙදීම බෞද්ධ අපිට වෙසක් සමරන්න උනේ නෑ.

කොවිඩ් ප්‍රශ්නේ ඉවර වෙලා මේ අවුරුද්දේ අපි වෙසක් සමරන්නේ දැඩි ආර්ථික හා දේශපාලන ප්‍රශ්න එක්ක. වෙසක් සැරසිලි සෑම එකක්ම අපි කලින් අවුරුදුවල ගත්තට වඩා 200% කින් විතර මිල වැඩි වෙලා. ඒ උනත් අපි පුළුවන් විදිහට මේ අවුරුද්දේ වෙසක් දිනය සැමරුවා.

අද ආපහු කොළඹ ආවේ හෙට ඉදන් වැඩ කරන්න ඕනේ නිසා. ඒ එනකොට මග දිගට වෙසක් පොහොයට පහුවෙනිදා උනත් දන්සල් ගොඩාක් තිබ්බා. මට ඇත්තටම හිතුනේ මෙච්චර මේ රටේ අමාරුකාලයක් ගෙවෙනකොට මේ වගේ දේවල් කරන්න හිතට එන මිනිස්සු ඉන්නේ මේ ලංකාවේ විතරයි කියලා. ඒ අතින් බලනකොට විතරක් මේ රට ගැන අපිට සතුටු වෙන්න පුලුවන්. ඒ වගේම තමයි කොළඹ තැන් කිහිපයකම තොරණ් එහෙමත් තියෙනවා.

අවුරුදු තුනකට විතර පස්සේ මේ විදිහට හරි වෙසක් දකින්න ලැබුනු එකට නම් තියෙන්නේ සතුටක්. ඊළග අවුරුද්ද වෙනකොට රටේ තියෙන ප්‍රශ්න ටිකක් හරි අඩුවෙලා හැමදේම සමාන්‍ය උනොත් අපේ හැම උත්සවයක්ම අපිට ඉස්සර වගේ උත්කර්ශවත් විදිහට සමරන්න පුලුවන් වේවි.

Thank you for reading...