වසරේ ජයග්‍රාහි ආරම්භය | 5% For SL-Charity

ශ්‍රී ලංකා කණ්ඩායමේ පන්දු යැවිමේ විශිෂ්ඨ දක්ෂතාවය හේතුවෙන් සිම්බාබ්බේ කණ්ඩායම එරෙහිව පැවති තුන්වෙනි එක්දින තරගය ලකුණු 184කින් විශිෂ්ට ලෙස ජයගැනිමට ශ්‍රී ලංකා කණ්ඩායම අද සමත් වුනා. ඒ අනුව තරගාවලිය 2 : 1ක් ලෙස ජය ගැනිමට ශ්‍රි ලංකා කණ්ඩායම සමත් වුනා.

Source

කාසියේ වාසිය දිනාගත් ශ්‍රී ලංකා කණ්ඩායමේ නායක දසුන් ශානක ප්‍රථමයෙන් පන්දුවට පහර දීමට තිරණය කලා. ඒ අනුව අද කණ්ඩායමේ එක වෙනස්කමක් වෙලා තිබ්බා. ඒ නුවන් ප්‍රදිප් වෙනුවට රමේෂ් මෙන්ඩිස් කණ්ඩායමට කැදවා තිබුනා. ආරම්භක පිතිකරුවන් ලෙස පිටියට පිවිසි කුසල් මෙන්ඩිස් සහ පැතුම් නිශ්ෂංක පළමු කඩුල්ලට ලකුණු 80ක් එක්කරද්දි ලකුණු 36ක් ලබාගෙන සිටි කුසල් මෙන්ඩිස් දැවි ගියා. කුසල් මෙන්ඩිස්ගෙන් ආරම්භක පිතකරුවෙකු ලෙස මීට වඩා දෙයක් තරග තුනෙදිම බලාපොරොත්තු උනත් ඔහු එතරම් මේ තරගාවලියේදි සාර්ථක වුනේ නෑ.

ඉන්පසුව දෙවෙනි කඩුල්ල ලෙස ලකුණු 55ක් ලබාගෙන සිටි පැතුම් නිෂ්ෂංක අවාසනාවන්ත ලෙස දුවද්දි දැවි ගියා. ඉන්පසුව තරමක් මන්දගාමිව ලෙස තමයි ශ්‍රී ලංකා ක්‍රීඩකයෝ ලකුණු රැස් කලේ. කෙසේ නමුත් ශ්‍රී ලංකා ක්‍රීඩකයන්ට පන්දුවාර 50 අවසානයේදි රැස් කර ගත හැකිවුයේ ලකුණු 254ක් පමණයි.

පසුගිය තරග දෙකේදිම ලකුණු 300 සිමාවට ආසන්නව ලකුණු රැස්කල සිම්බාබ්වේ ක්‍රීඩකයන්ට මෙය පහසු ඉලක්කයක් වෙයි කියලා හිතුවත් අරම්භයේදිම පිට පිට කඩුළු දෙකක් ලබාගත් දුෂ්මන්ත චමීර තරගයේ ජයග්‍රහණය ශ්‍රී ලංකා කණ්ඩායමට බව අනාවැකියක් ලබා දුන්නා. ඉන් පසුව ක්‍රියාත්මක වූ ශ්‍රී ලංකා පන්දු බලෑනිය සිම්බාබ්වේ කණ්ඩායම ලකුණු 70කට සීමාකලා. කලකට පසු ශ්‍රී ලංකා කණ්ඩායමේ ඉඩක් හිමි වූ ජෙෆ්රි වැන්ඩසේ සිය එක්දින දිවියේ හොදම පන්දු යැවීම වූ ලකුණු 10කට කඩුළු 04ක් ලබාගැනිමට සමත් වුනා. තවත් විශේෂත්වයක් තමයි අද දිනයේ පන්දු යැවූ සියලුම පන්දු යවන්නන් කඩුළු ලබා ගැනිමට සමත් වුනා.

ඒ අනුව ශ්‍රී ලංකා කණ්ඩායම මේ වසර තරගාවලි ජයග්‍රගණයකින් ආරම්භ කිරිමට සමත් වුනා.🇱🇰