An unforgettable victory | SL vs Bng | 5% For SL-Charity

Source

මං හිතන්නේ අද තමයි අපි හැමෝම කාලෙකට පස්සේ බලපු හොදම මැච් එක බලන්න පුළුවන් උනේ. සුපිරි 12 දෙනාගේ වටයේ ශ්‍රි ලංකාව සහභාගි වුන පළවෙනි තරගය පැවැත්වුණේ අද. ඒ බංගලාදේශය සමගයි. බංගලාදේශය සුදුසුකම් ලැබීමේ වටයෙන්ම ඉවත්වෙයි කියලා බලාගෙන හිටපු අපිට, සුපිරි 12 දෙනාගේ වටයේ පළවෙනි තරගයේදිම මුනගැහුනේ බංගලාදේශ කණ්ඩායමයි.

අද දිනයේ කාසියේ වාසිය දිනාගත් ශ්‍රී ලංකා කණ්ඩායමේ නයක දසුන් ශානක ප්‍රථමයෙන් පන්දු යැවීමට තීරණය කලා. මුලින් හොද ආරම්භයක් ලබාගත් බංගලාදේශ ආරම්භ පිතිකරුවන් යුගලයේ ඉනිම අවසන් කරමින් ඔවුන්ගේ ප්‍රථම කඩුල්ල ලබාගැනිමට ළහිරු කුමාර සමත්වුනා. පළවෙනි කඩුල්ලේදිම තරගයේ උණුසුම් බව පෙන්වමින් බංගලාදේශ පිතිකරුවන් දෙදෙනා සමග ළහිරු කුමාර උණුසුම් කතාබහක් ඇතිවුණා.

ඒ ආවේගශීලි හැසිරීම නිසා ළහිරු කුමාරට තරග මුදලින් 25%ක දඩයක් සහ එක් අවාසිදායක ලක්ෂයක් ලබාදෙනු ඇත.

හැමදාමත් ශ්‍රි ලංකා ක්‍රීඩකයන්ට හිසරදයක් වෙන Mushfiqur Rahim අද දිනයෙත් පන්දු 37කදි වේගවත් ලකුණු 57ක් ලබාගත්තා. ඒ වගේම බංගලාදේශ පිල වෙනුවෙන් Mohammed Naim ලකුණු 62ක් ලබාගැනිමට සමත්වුණා. පන්දු යැවිමේදි චාමික, ළහිරු සග බිණුර කඩුළු 01 බැගින් ලබාගැනිමට සමත්වුණා. ඒ අනුව බංගලාදේශ කණ්ඩායම පන්දුවාර 20 අවසානයේදි ලකුණු 171ක් ලබාගැනිමට සමත්වුණා.

ශ්‍රී ලංකා කණ්ඩායමට මෑත කාලයේදි ප්‍රබල කණ්ඩායමකින් හමුවුනු විශාල හබායැමක අභියෝගයක් තමයි අද හිමිවුණේ. ප්‍රථම පන්දුවාරයේදිම කුසල් පෙරේරාගේ දැවියාමත් සමග බොහෝ දෙනාගේ මතය වුයේ අද තරගය ශ්‍රී ලංකා කණ්ඩායමට ජයගැනිමට නොහැකිවුනු ඇති බවයි. නමුත් යම් බලාපොරොත්තුවක් එක් කරමින් චරිත් අසලංක සහ පැතුම් නිස්සංක ශ්‍රී ලංකා ඉනිම තරමක් ගොඩනඟමින් සිටින මොහොතක ශකිබ්ගේ පන්දුවක් හමුවේ පැතුම් දැවී යනවා. ඉන්පසුව පිටියට පිවිසි අවිශ්ක ප්‍රනාන්දුත් ලකුණු නොලබාම ක්‍රිඩාගාරයට හරවා යැවිමට ශකිබ් සමත්වෙනවා. ඉන්පසුව වනිදු හසරංගත් ලකුණු 6කට දැවි යනවා.

Source

තරගයේ ජයග්‍රහණයෙන් 75%කම වාසිය බංගලාදේශ කණ්ඩායමට ඇති මොහොතක පිටියට පිවිසි භාණුක රාජපක්ෂගේ පිත්ත ශ්‍රී ලංකාවට තරගය ජයග්‍රහණය කිරිමේ දොරටු විවර කරනවා. ඒ පන්දු 31 කදි වේගවත් ලකුණු 53ක් ලබාගැනිමත් සමගින්ය. ඔහුගේ එම අර්ධ ශතකය වාර්තා වෙන්නේ T20 ලෝක කුසලානයකදි ක්‍රීඩකයෙක් සිය උපන්දිනය දවසේ වාර්තා කල මංගල අර්ධ ශතකය ලෙසයි. ශ්‍රී ලංකා ඉනිම ලකුණු 80කින් ශක්තිමත් කල චරිත් අසලංක අද තරගයේ වීරයා වුනා.

Source

මෙතෙක් කලක් ශ්‍රී ලංකා කණ්ඩායමේ අංක 03 ස්ථානයේ තිබු අඩුපාඩුවට තමන් සුදුසුම කෙනා බව ඔප්පු කල චරිත් අසලංකගේ මංගල T20 අර්ධ ශතකය සහ භාණුක රාජපක්ෂගේ උපන්දිනය දවසේ ඔහු විසින් වාර්තා කල මංගල T20 අර්ධ ශතකයත් නිසා අද පැවති තරගය කඩුළු 05කින් ජයගැනිමට ශ්‍රී ලංකා ක්‍රීඩකයින් සමත්වුණා.❤️🇱🇰