Old - The Mysterious Beach | 2021 | 5% For SL-Charity

මම දැක්කා මේ ෆිල්ම් එක සති කිහිපයකට කලින්ම ඉන්ටර්නෙට් එකේ තියෙනවා. හැබැයි හොද කොලිටි එකක් ආවේ ගිය සතියේ වගේ තමයි.

Source

කොහොමද අපි කොහේ හරි බිච් එකක නිවාඩුවක් ගත කරන්න කියලා ගියාම ආපහු ජිවත්ව ඒ බීච් එකෙන් එලියට එන්න බැරි වුනොත්, එහෙමත් නැත්නම් අපි ඒ බිච් එකේම බලාගෙන ඉන්නකොට වයසට ගියොත්. ඔව්, මේ එහෙම භායානක, අත්භූත අකාරයේ මුහුද වෙරළක් ගැන කතාවක්. 😱

"Sandcastle" නම් ග්‍රැෆික් නව කතාව පදනම් කරගනිමින් තමයි මේ "OLD" කියන චිත්‍රපටිය නිර්මාණය කරලා තියෙන්නේ. 2021 ජූලි 23 වෙනිදා තිරගත කිරිම් ආරම්භ කරපු මෙම චිත්‍රපටිය, ඇමරිකානු ඩොලර් මිලියන 18ක වියදමකින් නිෂ්පාදනය කරලා, ඇමරිකානු ඩොලර් මිලියන 89.5 ක බොක්ස් ඔෆිස් අගයක් ලබාගන්න සමත්වෙලා තියෙනවා. මිනිත්තු 108ක ධාවන කාලයක් තිබෙන මෙම චිත්‍රපටිය, මේ වන විට 5.8/10 IMDB අගයක් ලබාගන්න සමත් වෙලා තියෙනවා. තරමක් අඩු IMDB අගයක් තිබුණත් මේක කම්මැලි නැතුව හොඳට බලන්න පුළුවන් කතාවක්. ඒ වගේම මේක Horror/Thriller කාණ්ඩයට තමයි අයත් වෙන්නේ.

කප්පා පවුලේ ඉන්නේ අම්මයි, තාත්තයි, දුවයි, පුතයි. මේ හතර දෙනා එයාලගේ නිවාඩුව ගත කරන්න අන්තර්ජාලයෙන් අඩුවට හොයාගත්තු හැබැයි හුගාක් ලස්සන හොටෙල් එකකට එනවා. හෝටලයේ කළමනාකරුගේම පිලිගැනිමකින් සහ හරිම අමුතු ජාතියේ බීම එකකින් තමයි මොවුන්ව මෙම හෝටලයට පිළිගනු ලබන්නේ. ඉතිං මේ හතර දෙනාට ඒ කළමනාකරු, මේ හොටලයේම තියෙන පෞද්ගලික වෙරළක් ගැන කියලා, තවත් පවුල් කිහිපයක් සමග එදා දවස ගත කරන්න ඔවුන්ව ඒ වෙරළට එක්කරගෙන යනවා.

වෙරළට ඇවිල්ලා වැඩි වෙලාවක් යන්න කලින් ඔවුන්ට කාන්තා මල සිරුරක් හම්බෙනවා. ඒත් සමගම වැඩි වෙලාවක් යන්න කලින් ඒ පවුල් අතර සිටි වයසක කාන්තාවක් මරණයට පත්වෙනවා, ඒත් එක්කම ඒ වයසක කාන්තාව සමග සිටි බලු පැටියෙකුත් මරණයට පත්වෙනවා. ඔවුනට ඇති වූ බිය නිසාම අර ප්‍රථමයෙන් හමුවුනු මළසිරුර නැවතත් පරික්ෂා කිරිමේදි ඔවුන් දකිනවා ඒ මලසිරුරේ ඇටකටු පමනක් ඉතිරිවන සේ දිරාපත් වී ඇති බව. ඔවුන් හොදටම බියට පත්වෙලා වෙරලෙන් පිටවෙන්න හැදුවත් ඔවුන්ව පිටවීමට උත්සහ කිරිමේදි සිහිනැතුව ඇද වැටෙනවා.

පුදුමයට කරුණ නම් ඔවුන් සමග සිටි ළමයින් තිදෙනා පැය කිහිපයකින් තරුණ වීමයි. එකේදි ඔවුන්ට වැටහෙනවා ඒ වෙරළෙදි විනාඩි 30ක් කියන්නේ සැබෑ ජිවිතයේ අවුරුද්දක් කියලා. එතකොට ඒ වෙරලේ දවසක් කියන්නේ සැබෑ ජිවිතයේ අවුරුදු 50ක් විතර. 🤔

මේ වෙරළ පිළිබඳ 73 දෙනෙක් යොදාගෙන ඒ හෝටලය විසින්ම සිදුකරනු ලබන පරිෂණයක් තමයි මේක. ඔවුන් විසින් පරික්ෂණය සදහා එම වෙරළට යවපු 73 දෙනාම මරණයට පත්වුනා කියලා හිතුවත්, එතනින් දෙදෙනෙක් බේරෙනවා. ඇත්තටම ඒ කවුද? ඒක දැනගන්න නම් චිත්‍රපටිය නරඹන්නම වෙනවා.

Trailer එක නිකමට වගේ බලන්න..👇