අවමගුල් තොරණ

_source
මම සාමාන්‍යයෙන් බලන රූපවාහිනී වැඩසටහන් වලින් ප්‍රධානම එකක් තමයි "ගී දහයට කවි දහයක්" වැඩසටහන. ඉතින් free time එකක් තියෙන වෙලාවට මම ගොඩක් දුරට කරන්නේ youtube එකෙන් මේ වැඩසටහන බලන එක.ඉතින් මේකට ආපු විවිධ ආරාධිතයන් බැලුවහම ඩිල්ෂාන් පතිරත්න කියන්නේ මම ගොඩක් කැමති කෙනෙක්. ඔහු හොඳ ගී පද රචකයෙක් වගේම , හොඳ කවියෙක්.ඒ වගේම ඔහුගෙන් වැඩ කරන්නට තෝරා ගෙන තිබ්බ කවිත් ඒ වගේම ලස්සන‍‍යි.ඒ තෝරා ගත්ත කවි 10න් , එකක් අමුතු ඒ වගේම සෑහෙන්නෙක් ගැඹුරු තේරුමක් තියෙන පොඩි කවියක් අද මාතෘකාව කරගෙන ලීව නම් හොඳයි කියල හිතුනා.මේ කවිය කොච්චර අමුතුයිද කියනවනම්, කවිය අන්තිම පේලි දෙක තුළ වෙනකම්ම තේරුම වෙන දෙයක්, නමුත් කවියේ අන්තිම පේලි දෙකෙන් අර කලින් ඔක්කොම අනිත් පැත්ත ගහලා වෙනමම තේරුමක් ගෙනල්ල දෙනව. කවියෙ හිමිකාරයත් එසේ මෙසේ කෙනෙක් නෙවෙයි, ඒ රත්න ශ්‍රී විජේසිංහයන්. ඉතින් හිතාගන්න පුලුවන්නෙ කවිය ගැන. කවිය ගැන ඕනවට වඩා විචාර ලියන්නෙ යන්නෙ නෑ, කියවලා අවබෝධ කරගැනීම ඔයාලටම බාර කරා නම් හොඳයි කියලා මට හිතුණා.කවියෙ මාතෘකාවත් හරි ලස්සනයි, ඒකම තමයි Article එකේ මාතෘකාවටත් මන් අරගත්තෙ😉.

සොහොන ළඟ තොරණ
හරි ලස්සනට ඇන්දාට
එන අයට තමයි ඒ
නොවෙයි මල උන්දාට

සුදු තමයි ගැලපෙනම පාට
දුක් මුසු දේට
ඒත් හැම තැනම වගේ
තියෙන්නේ කළු පාට

පෙති හැලෙන මලක්
ඇන්ඳොතින් පර වෙන රෑට
හොඳ උනත් මල් මැරෙන බව
මතකදෝ කාට

කඳුළු බිඳුවක් අඳිමු
පෙනෙන්නට සංකාව
අමාරුම නම් ඒක
අඳිමු අපි ලංකාව

රටට වෙලා තියෙන දේ හරි ලස්සනට වචන කීපයකින් වගේම ඉතා ගැඹුරින් සිත් වලට කාවදින්නත් රචනා කරන්න කවියා සමත් වෙලා තියෙනවා.නොකියා කියනවා රට ටිකෙන් ටික වලපල්ලට යමින් තිබෙන බව.ඉතින් ඒක ඔබටත් මටත් දැනටමත් නොතේරෙනවා නෙවෙයි.වැඩිය ලියන්න යන්නේ නෑ ඉතුරු ටික හිතාගන්න ඔබට මම ඉඩ තියෙනවා.