අපේ අනාගතය කොහොම වෙයිද?

_source
ඉතින් හැමෝම පරිස්සමින් ඇති කියලා හිතනවා. අද ලියන්න යන්නේ අපි නොහිතපු විදියට අපේ වර්තමානය සහ අනාගතය වෙනස් වුණු විදිය.ඕ ලෙවල් ඉවර වෙලා ඒලෙවල් හදාරන්න ඕන විෂය විදියට වෙන විෂය ධාරාවක් තෝරා තෝරාගන්න හැදුවත් , අම්මලාගේ කැමැත්තටත්, ඒ කාලේ Engineering field වලට තිබුණු තැන නිසා ගණිත අංශයෙන්ම ඒලෙවල් වලට මුහුණ දෙන්නත් තීරණය කළා . ඉතින් කොහොමින් කොහොම හරි උසස් අද්‍යාපනය විදියට civil engineering හදාරන්න මට පුලුවන් උනා.ඉතින් ඒ කාලේ civil field එකේ හොඳ job market එකක් සහ හොද salary එහෙමත් තිබුන්. ඒත් කොරෝනා වලින් පස්සේ ඒක සම්පූර්ණයෙන්ම කණපිට ගැහුනා. ඒ කොච්චරක්ද කියනවනම්, ජොබ් කෙසේ වෙතත් කොල්ලෙක්ට ට්‍රේනින් වලට යන්නවත් හරියට සයිට් එකක් හොයාගන්න බැරි තරම්. අපේ බැජ් එකේම ගොඩක් උන් සයිට් වල ඉන්නේ කෑම වලට ඉන්න තැන් වලට අතින් වියදම් කරගෙන කිසිම
Salary එකක් නැතුව, කොහොම හරි ට්‍රේනින් එක complete කරගන්න ඕන නිසා.ඉතින් කැම්පස් අවුට් වෙලා ජොබ් එකක් බලාපොරොත්තුවෙන් ඉන්න කොල්ලෝ කෙල්ලෝ ගැන කුමන කතාද? ,මට මේක ලියන්න හිතුනෙත් දැක්ක දුක හිතෙන පෝස්ට් එකකට පස්සේ.ඔයාලත් මේක කියවල බලන්න හිතන්න ඇත්තට අපි කොච්චර පව්ද කියලා?,

මේ අද උදේ යාලුවෙක්ගෙන් ආපු message එකක් . මේ msg එක එවන්නෙ නිකන් කොල්ලෙක් නෙමෙයි, Government University එකක, B.Sc. Engineering(Hons) Degree එකක් තියෙන, Field එකේ අවුරුදු 4 ක් Experience තියෙන කොල්ලෙක්, ඌ අද Pick Me Eats දුවනවා. පුලුවන් තරම් කට්ට කාල, ලංකාවෙ යන්න පුලුවන් උඩම තලයේ උපාදියක් අරගෙන හොද Job එකක් කරගෙන ඉදපු, මේ රටට ආදරේ කරපු, මේ රට වෙනුවෙන් අවංකව වැඩක් කරන්න උවමනාව තිබුනු, අපේ උන්ට අද වෙලා තියෙන දේ. දවසින් දවස එක එකාගෙ Job නැති වෙනව, Construction Field එකේ ඉන්න උඩම මට්ටමේ ඉදන් හැම කෙනාම කරන්නෙ මොකක්ද කියල හිතා ගන්න බැරුව අනාත වෙලා ඉන්නවා. අනික් ගොඩාක් Field වල වැඩ කරන අයටත් හෙට වෙන්නෙ මොකක්ද කියන බයෙන් තමා ඉන්න වෙලා තියෙන්නෙ. ගොඩාක් දෙනෙක් (මමත් ඇතුලුව) කරගන්න දෙයක් නැති කම නිසා කොහොම හරි රට දාල යන්න බලනව. දවස ගානෙ අපේ එකෙක් දෙන්නෙක් රට දාල යනවා. ඇත්තටම ඒ යන්නෙ ලංකාවෙන් කොහොමටවත් යන්න හිතාගෙන ඉදපු අය නෙමෙයි.
ඉතින් මේව ඇහෙද්දි, දකිද්දි මට නම් මේ කාලකන්නි ආණ්ඩු එක්ක පුදුමාකාර තරහක් වෙරයක් තියෙන්නෙ. ඕකුන්ව මරාගෙන මැරෙන්න තරම් කේන්තියක් එන්නෙ. අපේ හීන සම්පූර්ණයෙන්ම මරල දාල, අපේ ජීවිත නැති කරපු මේ කාලකන්නි ටිකට තවත් කඩේ යන තවමත් උන්ට එරෙහි නොවන උන් ඉන්නව නම් ඇත්තට ඒ මොන ජාතියේ උන්ද ??,
අපි එදා ඉදන්ම හීන දැක්කෙ හැම මනුස්සයෙක්ටම සතුටින් ජීවත් වෙන්න පුලුවන් රටක් දකින්න. ඉතින් මේ සාපෙන් ගැලවෙන්න අපි පුලුවන් හැම විදියකටම දායක වෙමු.