ඇෆ්ගන් ක්‍රිකට් පෙරලිය

ඉතින් හැමෝම පරිස්සමෙන් ඇති කියලා හිතනවා.ක්‍රිකට් බලන නොබලන හැමෝගෙම අතරේ ගැවසෙන මාතෘකාවක් තමයි ඇෆ්ඝනිස්තාන් කණ්ඩායම ලබාගත් පෙරළිකාර ජයග්‍රහණය.ඔවුන් ඒ ජයග්‍රහණය ලබා ගත්තෙත් එසේ මෙසේ කණ්ඩායමකට එරෙහිව නෙවෙයි , ප්‍රබල ඕස්ට්‍රේනියානු කණ්ඩායමට එරෙහිවයි.මේක තවත් විශේෂ වෙන කරුණු කීපයක් තියෙනවා.ඇෆ්ගනිස්තානය කියන්නේ රටක් විදියට ඉතා කටුක අත්දැකීම් විඳපු විඳිමින් ඉන්න රටක්.ඔවුන්ගේ රටේ තත්ත්වය අමුතුවෙන් ඔබට පැහැදිලි කරන්න ඕනේ නැහැ මොකද ඔබ එය දැනටමත් දන්නවා.ඉතින් තමන්ගේ රටේ ක්‍රිකට් මැච් එකක් සෙල්ලම් කිරීමට නොහැකි ක්‍රීඩකයින් මේ වගේ ප්‍රභල රටවල් ඉදිරියේ මෙහෙම ජයග්‍රහණය ලබද්දි මීට වඩා motivation මොකටද?ඉතින් ඒ වගේම රසික ආදරය ,ගෞරවය සහ මුදල් නොඅඩුව ලැබෙන අපේ රටේ ක්‍රීඩකයින් මීට වඩා වගකීම් සහගතව ක්‍රීඩා කළ යුතුද නැද්ද යන්න කියා තිබෙන්නේ ප්‍රශ්නාර්ථයක්?

කොහොම හරි ඇෆ්ඝනිස්තාන් කණ්ඩායමේ සුපිරි අට දෙනාගේ වටයේ තත්ත්වය ගැන සලකා බැලුවොත් ඔවුන් පළමු තරඟය ඉන්දියාව ඉදිරියේ පරාජයට පත්වුණා.නමුත් දෙවන තරඟය ඕස්ට්‍රේලියාවට එරෙහිව පෙරළිකාර ජයක් ලැබුවත් ඔවුන්ට අවසන් පූර්ව වටයට සුදුසුකම් ලැබීමට නම් මීළඟ තරඟය බංගලාදේශයට එරෙහිව ඉහල දළ ලකුණු ලබා ගැනීමේ වේගයක් ද සහිතව ජයග්‍රහණය කිරීම අනිවාර්ය වෙනවා.ඒ වගේම ඉන්දියාව සහ ඕස්ට්‍රේලියාව අතර තරගයත් ඇෆ්ඝනිස්තාන කණ්ඩායමේ අවසන් පූර්ව වටයේ සිහින යථාර්ථයක් බවට පත් කිරීමට බෙහෙවින් බලපානවා.කෙසේ හෝ ගොඩක් ශ්‍රී ලාංකික ක්‍රිකට් රසිකයින් මාත් ඇතුළුව ඇෆ්ගනිස්තාන කණ්ඩායමේ ජයග්‍රහණය සහ ඔවුන් අවසන් වටයට සුදුසුකම් ලබන තෙක් බලාපොරොත්තු සහගතව බලා සිටිනවා.මේ වන විටත් අවසන් පූර්ණ වටය සඳහා එංගලන්ත කණ්ඩායම සහ දකුණු අප්‍රිකා කණ්ඩායම සුදුසුකම් ලබා අවසන්.අද පැවැති තරඟය දකුණු අප්‍රිකාව හමුවේ ලැබූ පරාජයත් සමඟ බටහිර ඉන්දීය කොදෙව් කණ්ඩායම තරගාවලියෙන් ඉවත් වුණා.ඉතින් මගේ ආසාව ඕස්ට්‍රේලියාව ,ඇෆ්ඝනිස්තානය , එංගලන්තය සහ දකුණු අප්‍රිකාව අවසන් පූර්ව වටයට සුදුසුකම් ලැබීම උනත් බොහෝ දුරට එය ඕස්ට්‍රේලියාව, ඉන්දියාව, එංගලන්තය සහ දකුණු අප්‍රිකාව බවට පත්වේවි.නමුත් ක්‍රිකට් කියන්නේ අවිනිශ්චිත ක්‍රීඩාවක් බව මේ ලෝක කුසලානයේ මූලික වටේ තරග වලින් ඔප්පු කරා.ඉතිං අපි බලමු ඉදිරියට මොකක් වෙයිද කියලා.