ඉතිං අද කතා කරන්න යන්නේ විශේෂ ක්‍රීඩකයෙක් ගැන.වර්තමාන ශ්‍රී ලංකා ක්‍රිකට් ගැන කතා කරන විට ක්‍රිකට් රසිකයින්ට වගේම ක්‍රිකට් විචාරකයින්ටත් පැහැදිලි අනාගතයක් ගැන අනාවැකි පළ කළ හැකි ක්‍රීඩකයන් ඉන්නේ අතලොස්සක් පමණයි.ඉතින් ඒ අතලොස්ස අතරිනුත් පැතුම් නිස්සංඛ ඉන්නේ ඉදිරියෙන්මයි.ඒ නිසාම මට අද හිතුණා ඔහු ගැන ලියන්න.ඇත්තටම මේ කවුද පැතුම් නිස්සංක.මොකද ශ්‍රී ලංකා ක්‍රිකට් වලට මේ ක්‍රීඩකයා මෙතරම් වටින්නේ.ඔව් අද අපි කතා කරමු ඒ ගැන.ශ්‍රී ලංකා කණ්ඩායමට පැමිණීමට පෙර ඔහුගේ පිතිකරන සාමාන්‍ය ඉතා ඉහළ අගයකින් පවත්වා ගනිමින් වගේම තේරීම් කමිටුවට තමාද මනා සාධකයක් බවට කරුණු පහළ කර පැතුම් නිස්සංක කණ්ඩායමට එන්නේ ශ්‍රී ලංකා ක්‍රිකට් වැට්ල තිබුණ කාලෙකයි. ඒ 2021 වසරේදීයි.ඉතින් එදා සිට අද වෙනතුරු කණ්ඩායමේ නැතුවම බැරි ක්‍රීඩකයෙක් විදියට රටා තුනෙන්ම කැපී පෙනෙන දක්ෂතා පෙන්නන්න පැතුම් නිස්සංක සමත් වුණා.
එක් දින තරඟ රටාව තුළ ඉනිම් 64 දී ලකුනු 2498 ලබා ගනිමින් තම පිතිකරන සාමාන්‍ය 43 කට ඉහළින් පවත්වාගෙන යාමට පැතුම් නිස්සංක සමත් වෙලා තියෙනවා. ඒවගේම ටෙස්ට් පිටිය තුළදීත් ඔහුගේ පිතිකරන සාමාන්‍ය හතළිහකට ආසන්නවයි පවතින්නේ.තරඟ රටා තුනම මනා අවබෝධයකින් ක්‍රීඩා කරන පැතුම් නිස්සංක මුල් පෙළ ක්‍රීඩකයෙක් විදියට තමන්ගේ වගකීම මනාව කණ්ඩායම වෙනුවෙන් ඉටු කරනවා.ඒ වගේම ශ්‍රී ලංකා කණ්ඩායම වෙනුවෙන් එක් දින තරඟ රටාව තුළ ක්‍රීඩකයෙක් ඉනිමකදී ලබාගත් වැඩිම ලකුණු ප්‍රමාණය සතු කරගෙන සිටින්නේද පැතුම් නිස්සන්කයි.ඒ නොදැවී ලකුනු 210 ලෙසයි.පන්දු රැකීමෙන්ද මනාව දස්කම් පෙන්නන පැතුම් නිස්සංක නීතිගරුක සහ නිහතමානී ක්‍රීඩකයෙක් විදියට රසිකයින්ගේ පැසසුමටත් නිරන්තරයෙන් ලක්වෙන ක්‍රීඩකයෙක්.ඉතින් පැතුම් නිස්සංක් කියන්නේ ශ්‍රී ලංකා ක්‍රිකට් වලත් රසිකයින්ගේත් ලොකු බලාපොරොත්තුවක්.